कोल्हापूर : चंदगडमध्ये भाजपचा अजितदादा गटाला शह; शिवाजी महाराजांच्या पुतळा अनावरणातून राजकीय नाट्य रंगले

काल अभिषेक

चंदगड या तालुक्याच्या ठिकाणी रवळनाथ मंदिराशेजारी बाजारपेठेत शिवाजी महाराजांचा सुमारे वीस फुटाचा अश्वारूढ पुतळा उभा केला आहे. पुतळा अनावरणाची नागरिकांना प्रतीक्षा असताना काल संभाजीराव भिडे गुरुजी यांनी पुतळ्यास अभिषेक घातला होता. तर आज या पुतळ्याचे अजित पवारांच्या हस्ते अनावरण करण्याचे ठरले होते.

आणखी वाचा

विक्री हमी दरवाढीअभावी साखर उद्योग अडचणीत

इचलकरंजी सुवर्णमहोत्सवी साहित्य स्मृती ट्रस्टचा सुवर्ण महोत्सव

कोल्हापुरात नाताळ सण उत्साहात

काळम्मावाडी धरण गळतीची तज्ज्ञांच्या समितीकडून पाहणी

कोल्हापुरातील दुसरा सौरऊर्जा प्रकल्प कार्यान्वित, १२१६ शेतकऱ्यांना दिवसा वीजपुरवठा

अलमट्टीची उंची वाढवण्याचा निर्णय; कोल्हापुरात निषेधार्थ आंदोलन

कोल्हापूर : पुरात वाहून गेलेल्या मृतदेहाचे अवशेष चार महिन्यांनंतर आढळले

कर्नाटकच्या कृष्णाकाठ योजनेमुळे पश्चिम महाराष्ट्राला महापुराचा धोका

काळम्मावाडी धरणाच्या गळतीवर तातडीने उपाययोजना करावी, सतेज पाटील यांची मागणी

हेही वाचा – सरकार बरखास्त करण्याची विरोधकांची मागणी अर्थहीन – अजित पवार

आज अनावरण

तत्पूर्वीच शिवाजी पाटील, माजी मंत्री भरमू अण्णा पाटील, भाजपचे तालुकाध्यक्ष शांताराम बापू पाटील, सरचिटणीस लखन बिरजे, जिल्हा परिषदेचे माजी सदस्य सचिन बल्लाळ आदी पुतळ्याजवळ गेले. शिवाजी पाटील यांनी भलामोठा गुलाब पुष्पहार शिवाजी महाराजांना अर्पण केला. त्यावरील पडदा दूर करून पुतळ्याचे अनावरण केले.

अजितदादा पत्र देणार

दरम्यान,सायंकाळी उपमुख्यमंत्री पवार चंदगडमध्ये आले. शासकीय अधिकाऱ्यांनी यापुतळा स्मारकास रीतसर परवानगी नसल्याचे निदर्शनास आणून दिले. त्यावर पवार यांनी याची कल्पना आधीच दिली असती तर परवानगीचे पत्र आणले असते. आज शासकीय सुट्टी आहे. लवकरच याबाबतचे पत्र देण्यात येईल, असे आश्वासन दिले.

हेही वाचा – इचलकरंजीच्या सुळकुड पाणीप्रश्नी मुख्यमंत्री एकनाथ शिंदे यांना काळे झेंडे दाखवणार; पाणी कृती समितीच्या बैठकीत निर्णय

चंदगडच्या विकासाला निधी

चंदगडच्या विकासासाठी आतापर्यंत सुमारे ८५० कोटींचा निधी दिला आहे. आता यापुढेही अधिकचा निधी देऊन चंदगडचा सर्वांगीण विकास करू. चंदगड नगरपालिकेच्या उभारणीसाठी ५ कोटींचा निधी दिला असून इमारतीच्या फर्निचर व वॉल कंपाउंडसाठी व चंदगडमधील रस्ते सुधारण्यासाठी प्रत्येकी ५-५ कोटींचा निधी उपलब्ध करून दिला जाईल. चंदगड हा डोंगराळ व दुर्गम भाग असून त्याच्या विकासाला निधी कमी पडू दिला जाणार नाही, असे उपमुख्यमंत्री अजित पवार यांनी चंदगड येथे आश्वासन दिले. ते नगरपंचायतीच्या कै. नरसिंगराव गुरुनाथ पाटील रेसिडेन्सी इमारत व प्रशासकीय इमारतीच्या कोनशिला अनावरण तसेच चंदगड नगरपंचायतीच्या वतीने नागरी सत्कार समारंभावेळी बोलत होते. या कामांना नुकतीच प्रशासकीय मान्यता देण्यात आली आहे. याचबरोबर कोल्हापूर जिल्ह्याच्या सर्वांगीण विकासासाठी जिल्हा वार्षिक योजनेतून (डीपीसी) २० टक्के अधिकचा निधी देण्याचा निर्णय घेतला आहे अशी माहिती त्यांनी यावेळी दिली.

या कार्यक्रमाला वैद्यकीय शिक्षण मंत्री तथा पालकमंत्री हसन मुश्रीफ, कृषी मंत्री धनंजय मुंडे, खासदार संजय मंडलिक, आमदार राजेश पाटील, जिल्हाधिकारी अमोल येडगे, नगराध्यक्षा प्राची काणेकर, अपर पोलीस अधीक्षक (गडहिंग्लज) निकेश खाटमोडे- पाटील उपस्थित होते.