कोल्हापूर : डंपर चालकाने अचानक ब्रेक लावल्याने मोटरीवर मोटारी धडकल्या. कोल्हापूर - सांगली मार्गावर मोटारींचा हा विचित्र अपघात घडला. मोटारींच्या चक्काचूर झाला. मोठा अपघात होऊनही जीवितहानी झाली नाही. पुणे - बेंगलोर राष्ट्रीय महामार्गाला लागून कोल्हापूर सांगली रस्ता आहे. औद्योगिक वसाहत असलेल्या शिरोली फाटा येथे पुण्याहून कोल्हापूरच्या दिशेने डंपर निघाला होता. पुणे बेंगलोर राष्ट्रीय महामार्गाचे काम सुरू असल्याने डंपर चालकाने अचानक ब्रेक लावला. हेही वाचा : …तर साखर कारखानदारांना उसाच्या बुडक्याने ठोकून काढू; राजू शेट्टी यांचा इशारा पाठीमागून येणाऱ्या मोटार चालकाने सावधानता राखून ब्रेक लावला. पण भरधाव वेगाने येणाऱ्या डंपरने धडक दिली. या धडकेमुळे दोन्ही मोटारी पुढे थांबलेल्या डंपरला धडकल्या. यामध्ये मोटारींचे मोठ्या प्रमाणात नुकसान झाले. अपघातामुळे दोन तासांहून अधिक काळ वाहतूक खंडित झाली होती.
