कोल्हापुरात मनसेने इंग्रजी फलकांना काळे फासले

कोल्हापूर : दुकानांवर मराठी पाट्या लावण्यात याव्यात या मागणीसाठी सोमवारी कोल्हापुरात महाराष्ट्र नवनिर्माण सेनेने आक्रमक भूमिका घेतली. संघटनेच्या कार्यकर्त्यांनी इंग्रजीतील फलकांना काळे फासले. काही ठिकाणी फलकांची मोडतोड केल्याने वादाचा प्रसंग उद्भवला. सर्वोच्च न्यायालयाने प्रादेशिक भाषेत फलक लावण्याचे आदेश दिले आहेत. त्यानुसार मनसेचे नेते राज ठाकरे यांनी केलेल्या आवाहनानुसार आज कोल्हापुरात हे आंदोलन हाती घेतले.