“खिद्रापूर – जुगुळ आंतरराज्य रस्ता काम सुरू करा; अन्यथा अन्नत्याग”, उत्तम सागर मुनी महाराज यांचा इशारा

भूसंपादनाचा अडसर

महाराष्ट्र हद्दीतील खिद्रापूर गावाजवळील जमीन भूसंपादन करणे गरजेचे आहे. यासाठी शासनाला ८० लाख रुपये खर्च अपेक्षित आहे. खिद्रापूर हद्दीतील भराव व रस्त्याचे काम गेल्या वर्षभरापासून सुरू करण्यात आले नाही. या भागातील शेतकऱ्यांनी रस्त्यासाठी शेतजमीन देण्यास तयार असताना देखील त्यांची रक्कम दिली नसल्याने भूसंपादन करता आले नाही. वारंवार मागणी करूनही या भागातील खासदार, आमदार व अधिकाऱ्यांनी दुर्लक्ष केले आहे.

हेही वाचा : महालक्ष्मी तीर्थक्षेत्र विकास आराखड्यासाठी ४० कोटी मंजूर – हसन मुश्रीफ

महापुरात उपयुक्त

कृष्णा नदीकाठचा हा भाग अतिमहापुरात सापडणारा आहे. हा पूल पूर्णत्वास आल्यास महापूर काळात राजापूर, राजापूरवाडी, खिद्रापूर, मिरज यासह महाराष्ट्रातील अन्य गावातील लोकांना याचा उपयोग होणार आहे. तसेच कर्नाटकातील बेळगाव , कागवाड अथनी, चिकोडी शिरगुपी हा मार्ग जवळचा होणार असून पैशाची व वेळेची बचत होणार आहे. तसेच, या पुलामुळे विजापूर – कोल्हापूर हा राज्य मार्ग असा उन्नत दर्जा प्राप्त होणार आहे, असेही उत्तम सागर मुनी महाराज यांनी सांगितले.