कोल्हापूरात गोकूळ दूध संघावर आयकर विभागाची धाड

गोकूळ दूध संघाची २ हजार कोटी रुपयांची वार्षिक उलाढाल आहे. मात्र, मागील काही महिन्यांत या दूध संघाकडून नेहमीपेक्षा कमी प्रमाणात कर भरणा झाला आहे. सुमारे ५ कोटी रुपयांचा कर गोकूळने चुकवण्यात आल्याचे आयकर विभागाचे म्हणणे आहे.

मात्र, यावर गोकूळच्या अधिकाऱ्यांनी स्पष्टीकरण देताना सांगितले आहे की, गेल्या तीन महिन्यांपासून गाईच्या दूध दरात घट झाल्याने ९० कोटी रुपयांचा तोटा होत आहे. त्यामुळे कर भरण्यातही घट झाली आहे. मात्र, गोकूळच्या अधिकाऱ्यांचे हे स्पष्टीकरण समाधानकारक नसल्याचे आयकर विभागाचे म्हणणे आहे. त्यामुळेच दूध संघावर धाड टाकण्यात आली असून यासंबंधीची कागदपत्रे ताब्यात घेऊन चौकशी सुरु करण्यात आली आहे.