कोल्हापूर : प्रदूषण नियंत्रण मंडळाने कोल्हापूर, इचलकरंजी महापालिका आयुक्त तसेच करवीर व इचलकरंजी उपविभागीय अधिकाऱ्यांना उद्या मंगळवारी पंचगंगा नदी प्रदूषण संबंधित घटकांची संयुक्त पाहणी करण्याकरता उपस्थित राहण्याबाबत सोमवारी निर्देश दिले आहेत.
पंचगंगा नदी प्रदूषणामध्ये सतत वाढ होऊ लागली असताना ते रोखण्याबाबत शासकीय यंत्रणेची बेपरवाई दिसून येत आहे. याबाबत संयुक्त पाहणी करण्यात यावी अशी मागणी उच्च न्यायालयात याचिका दाखल केलेले प्रजासत्ताक सामाजिक संघटनेचे अध्यक्ष दिलीप देसाई यांनी प्रदूषण नियंत्रण मंडळाकडे पत्र पाठवले होते. १२ मे रोजी कोल्हापुरातील पंचगंगा नदीत मिसळणाऱ्या नाल्याची पाहणी करण्यासाठी कोल्हापूर महापालिका, करवीर उपविभागीय अधिकारी यांच्या प्रतिनिधीना उपस्थित राहण्यास कळवूनही ते अनुपस्थित राहिले होते. त्यानंतर देसाई यांनी याबाबत उच्च न्यायालयात याचिका दाखल करणार असल्याचे निदर्शनास आणून दिले.
हेही वाचा – डॉ. नरेंद्र दाभोलकर यांना अभिवादन करण्यासाठी निर्भय पदभ्रमंती
हेही वाचा – कोल्हापूर : राधानगरीत गव्याच्या हल्ल्यात तिघे जखमी; मोटारीचे नुकसान
याची होणार पाहणी
त्यानुसार उच्च न्यायालयातील प्रतिवादी असलेले कोल्हापूर, इचलकरंजी महापालिका आयुक्त तसेच करवीर व इचलकरंजी उपविभागीय अधिकारी यांनी पंचगंगा नदी, नदीला मिळणारे नाले, एसटीपी प्रकल्प संबंधित घटक इत्यादींची संयुक्त पाहणी करण्यात येणार आहे. यासाठी न चुकता उपस्थित रहावे, जेणेकरून उच्च न्यायालयाचा अवमान होणार नाही याची दक्षता घ्यावी, असे पत्र प्रदूषण नियंत्रण मंडळाचे प्रादेशिक अधिकारी ज. शं. साळुंखे यांनी सोमवारी पाठवले आहे.
पंचगंगा नदी प्रदूषणामध्ये सतत वाढ होऊ लागली असताना ते रोखण्याबाबत शासकीय यंत्रणेची बेपरवाई दिसून येत आहे. याबाबत संयुक्त पाहणी करण्यात यावी अशी मागणी उच्च न्यायालयात याचिका दाखल केलेले प्रजासत्ताक सामाजिक संघटनेचे अध्यक्ष दिलीप देसाई यांनी प्रदूषण नियंत्रण मंडळाकडे पत्र पाठवले होते. १२ मे रोजी कोल्हापुरातील पंचगंगा नदीत मिसळणाऱ्या नाल्याची पाहणी करण्यासाठी कोल्हापूर महापालिका, करवीर उपविभागीय अधिकारी यांच्या प्रतिनिधीना उपस्थित राहण्यास कळवूनही ते अनुपस्थित राहिले होते. त्यानंतर देसाई यांनी याबाबत उच्च न्यायालयात याचिका दाखल करणार असल्याचे निदर्शनास आणून दिले.
हेही वाचा – डॉ. नरेंद्र दाभोलकर यांना अभिवादन करण्यासाठी निर्भय पदभ्रमंती
हेही वाचा – कोल्हापूर : राधानगरीत गव्याच्या हल्ल्यात तिघे जखमी; मोटारीचे नुकसान
याची होणार पाहणी
त्यानुसार उच्च न्यायालयातील प्रतिवादी असलेले कोल्हापूर, इचलकरंजी महापालिका आयुक्त तसेच करवीर व इचलकरंजी उपविभागीय अधिकारी यांनी पंचगंगा नदी, नदीला मिळणारे नाले, एसटीपी प्रकल्प संबंधित घटक इत्यादींची संयुक्त पाहणी करण्यात येणार आहे. यासाठी न चुकता उपस्थित रहावे, जेणेकरून उच्च न्यायालयाचा अवमान होणार नाही याची दक्षता घ्यावी, असे पत्र प्रदूषण नियंत्रण मंडळाचे प्रादेशिक अधिकारी ज. शं. साळुंखे यांनी सोमवारी पाठवले आहे.
