इचलकरंजी महानगरपालिकेचा एक हजार कोटींचा जीएसटी परतावा मिळावा, राहुल आवाडे यांची मागणी

इचलकरंजीतील इंदिरा गांधी सामान्य रुग्णालयास ३०० खाटांची मंजुरी दिली असली, तरी पुरेसा कर्मचारी वर्ग, अत्याधुनिक मशिनरी, एमआरआय मशिन लवकर उपलब्ध करून द्याव्यात. माणगाव येथील डॉ. बाबासाहेब आंबेडकर व राजर्षी छत्रपती शाहू महाराज यांच्या संयुक्त स्मारकाच्या आराखड्यानुसार प्रस्तावित कामासाठी १९९ कोटींचा निधी आगामी अर्थसंकल्पात मंजूर करावा. महानगरपालिकेच्या रवींद्रनाथ टागोर वाचनालय इमारतीचे नूतनीकरण करण्यात येत असताना स्पर्धा परीक्षांचा अभ्यास करणाऱ्या विद्यार्थी-विद्यार्थिनींसाठी वाचनालय अद्ययावत करावे, अशी मागणीही आवाडे यांनी केली.