कोल्हापूर: राष्ट्रवादीची भाजपबरोबर बोलणी सुरू; पृथ्वीराज चव्हाण

राष्ट्रवादी काँग्रेस महाविकास आघाडीसोबत किती दिवस राहील ते माहीत नाही. भाजपबरोबर त्यांची बोलणी सुरू आहेत, असा गौप्यस्फोट काँग्रेसचे ज्येष्ठ नेते, माजी मुख्यमंत्री पृथ्वीराज चव्हाण यांनी निपाणी येथे केला आहे.

पृथ्वीराज चव्हाण (फोटो - संग्रहित छायाचित्र)

कोल्हापूर :राष्ट्रवादी काँग्रेस महाविकास आघाडीसोबत किती दिवस राहील ते माहीत नाही. भाजपबरोबर त्यांची बोलणी सुरू आहेत, असा गौप्यस्फोट काँग्रेसचे ज्येष्ठ नेते, माजी मुख्यमंत्री पृथ्वीराज चव्हाण यांनी निपाणी येथे केला आहे.चव्हाण म्हणाले, की गेल्या काही दिवसांत राष्ट्रवादी काँग्रेसमध्ये गोंधळाची स्थिती आहे. विरोधी पक्षनेते अजित पवार यांच्या हालचाली अगोदरच चर्चेत आहेत.

भाजप प्रवेशाच्या बातम्या पवार यांनी नाकारल्या असल्या तरी संशयाचे धुके कायम आहे. कर्नाटकातील निवडणुकीचा संदर्भ देत म्हणाले, की तिकडे महाविकास आघाडी करत ते आमच्याबरोबर राहतात. मात्र इथे ते काँग्रेसविरुद्ध लढतात. भाजपसोबत त्यांची रोज बोलणी चालली आहेत. कोण नेता येणार, कोण जाणार याच्या सतत बातम्या येत आहेत. त्यांनी काय तो निर्णय एकदा घ्यावा.

आणखी वाचा