Samarjeet Singh Ghatge: “तुमची भाषणं बघून तुमच्यासारखं बोलायला शिकतोय”, समरजितसिंह घाटगेंची जयंत पाटलांना कोपरखळी; म्हणाले…

शरद पवार गटाचे प्रदेशाध्यक्ष जयंत पाटील व समरजितसिंह घाटगे एका कार्यक्रमाच्या निमित्ताने कागलमध्ये एकत्र आले होते. यावेळी जयंत पाटील यांनी भाजपाला टोला लगावला. “आज सकाळी समरजितसिंह घाटगे यांनी मला मेसेज पाठवला आणि म्हणाले तुम्ही या आणि माझ्या कार्यकर्त्यांशी तुम्ही एकदा बोलले तर बरं होईल. ते म्हणाले उद्या, परवा कधीही या. पण आम्ही टप्प्यात आल्यानंतर लगेच कार्यक्रम करतो. उद्या परवा नाही तर आजच येतो”, असं जयंत पाटील यावेळी म्हणाले.

आणखी वाचा

“महेश लांडगे यांचा कुणी बालही बाका करू शकत नाही”, असं देवेंद्र फडणवीस का म्हणाले?

१८ नोव्हेंबर पंचांग: संकष्टी चतुर्थी १२ पैकी कोणत्या…

Ajit Pawar: “मी पेताड, गंजेडी असतो तर ठीक आहे, पण…”, अजित पवारांनी प्रतिभाताई पवारांचा भाषणात केला उल्लेख; म्हणाले…

“…तेव्हा ‘विनाशकाले विपरीत बुद्धी’ आठवली नाही का? आता परिणाम भोगा”; रवी राणांचं अजित पवारांना प्रत्युत्तर!

“जयंत पाटील आतल्या गाठीचे, त्यांनी…”, अजित पवार गटाकडून टीका; म्हणाले, ‘यावेळी त्यांचा करेक्ट कार्यक्रम करणार’

“संजय राऊतांसारख्या लोकांना मी…”, देवेंद्र फडणवीस यांची टीका; म्हणाले, “ते माझ्या उंचीचे…”

पिंपरी- चिंचवड: लांडगे संतापले; “कार्यकर्त्यांला त्रास दिल्यास वीस तारखेनंतर चा महेश लांडगे डोळ्यासमोर ठेवा”; शांततेचा अंत…

Balasaheb Thorat : “…म्हणून ते चांगले वागतात, नाहीतर तुमचा कार्यक्रम होता”, बाळासाहेब थोरातांचा विखे पाटलांवर हल्लाबोल

समरजितसिंह घाटगेंची भूमिका…

दरम्यान, यावेळी समरजितसिंह घाटगे यांनी त्यांची भूमिका स्पष्ट केली. “जयंत पाटील समरजित घाटगेला मागायलाच इथे आले आहेत. मी त्यांना म्हटलं की समोरच्या लोकांनी परवानगी दिली, तरच मी येऊ शकेन. गेल्या निवडणुकीत आपला निसटता पराभव झाला. पण त्यानंतर आम्ही पाच वर्षं काम केलं आहे. मी २०१९ ला निवडणुकीला उभा राहिलो तेव्हा कोल्हापूरच्या माध्यमांमध्ये असं मानलं जात होतं की मला ३५ हजार मतं पडतील. मी तिसऱ्या क्रमांकावर आहे. मला ९० हजार मतं पडली”, असं समरजितसिंह घाटगे म्हणाले.

Samarjeet Singh Ghatge : “आम्ही टप्प्यात आल्यानंतर लगेच कार्यक्रम करतो”, समरजितसिंह घाटगेंच्या पक्ष प्रवेशावरून जयंत पाटलांचा भाजपाला इशारा

“मला माहिती होतं की मी २०१९ ची निवडणूक जिंकणार नाही. पण मी एकाच कारणामुळे ती निवडणूक लढली. २०१९ लढलो, तरच २०२४ ची निवडणूक मी जिंकणार. मलाही एकदा बघायचं होतं. जोखीम होती. चुकून २५ हजार मतं मिळाली असती, तर आज मीही इथे नसतो आणि तुम्हीही इथे नसता”, असं समरजितसिंह घाटगे यांनी म्हणताच व्यासपीठासह उपस्थितांमध्ये हास्याची लकेर उमटली.

“माझी एकच अट होती…”

दरम्यान, यावेळी समरजितसिंह घाटगे यांनी जयंत पाटील यांच्याशी भेटीगाठी झाल्याचं नमूद केलं. “जयंत पाटील व माझ्या काही भेटी झाल्या. पण आता कुठे आणि कशा हे विचारू नका. त्यांनी मला सांगितलं की निर्णय घ्यायचा की नाही हे ठरवा. आणि तो घ्यायचा असेल तर लवकर घ्या. कारण तुम्हाला तळागाळात काम करावं लागेल. जसं ८ वर्षं मी प्रामाणिकपणे काम केलं, तसंच शरद पवार व तुमच्या नेतृत्वाखाली यापुढे काम करेन. या सगळ्या पाडापाडीच्या राजकारणात सगळ्यात जास्त फटका बसलाय कागल-गडहिंग्लज विधानसभेच्या विकासाला. मी एकच अट घातली की जर माझ्या लोकांनी परवानगी दिली, तर या मतदारसंघात मला तुमची साथ हवी आहे. या मतदारसंघाच्या भविष्याला एकटं पाडायचा प्रयत्न केला जात आहे”, असं समरजितसिंह घाटगे म्हणाले.

“जयंत पाटील दुसऱ्याच्या प्रचाराला आले हे बघायलाच..”

यावेळी बोलताना समरजितसिंह घाटगे यांनी जयंत पाटलांवर मिश्किल टिप्पणी केली. “कागललाही हे बघायला मिळतंय की जयंत पाटील दुसऱ्यांसाठी इथे आलेत. थोडंसं तुमची भाषणं बघून तुमच्यासारखं बोलायला शिकतोय. इथे लोक तुम्ही आल्याच्या उत्सुकतेपेक्षा दुसऱ्याच्या प्रचाराला तुम्ही आले आहात हे बघायला आले आहेत”, अस समरजितसिंह घाटगे यांनी म्हणताच उपस्थितांमध्ये हशा पिकला.