कोल्हापुरात ‘एमआयएम’चा पाठिंबा घेण्यामागे कोणते षडयंत्र दडले आहे; हिंदुत्वनिष्ठ संघटनांचा सवाल

कोल्हापूर जिल्ह्यातील हिंदुत्वाची संघटना हा डाव मोडीत काढतील. निवडणुकीत रस्त्यावर उतरून काँग्रेस विरोधात प्रचार करून हिंदुत्वाची ताकद दाखवून दिली जाईल. हिंदू जनमत जागृत करून काँग्रेसला जिल्ह्यातून हद्दपार केले जाईल, असा इशारा यावेळी हिंदू एकता आंदोलनाचे जिल्हाध्यक्ष दीपक देसाई, शिवसेना उपजिल्हाप्रमुख उदय भोसले, शिवप्रतिष्ठान हिंदुस्थानचे आशिष लोखंडे, विश्व हिंदू परिषदेचे कुंदन पाटील, हिंदू जनजागृती समितीचे शिवानंद स्वामी, विश्व हिंदू परिषदेचे अनिल दिंडे, हिंदू एकताचे गजानन तोडकर, हिंदू महासभेचे संदीप सासणे, महाराज प्रतिष्ठानचे निरंजन शिंदे, बजरंग दलाचे अक्षय ओतारी, चिंतामणी फाउंडेशनचे सोहम कुराडे, अभिजीत पाटील, अर्जुन आंबी, योगेश केरकर, सुनील सामंत आदींनी दिला आहे.

आणखी वाचा

ठाणे : ९९ कोटी रुपयांचा आरटीई शुल्क परतावा थकीत !

Shiv Sena : महाराष्ट्राला लवकरच तिसरा उपमुख्यमंत्री मिळणार,…

संघाविषयी आंबेडकरांच्या ‘आपुलकी’चे सर्व दावे संशयास्पद! 

दुर्गम भागातील रुग्णांसाठी आरोग्य विभागाची ‘टेलीमेडिसिन’ सेवा ठरतेय संजीवनी! सव्वा लाख रुग्णांना झाला फायदा…

नागपूर : अनुसूचित जातीच्या आरक्षणाच्या वर्गीकरणाचा विषय तापला, हिंदू बहुजन महासंघाचा इशारा

अवाढव्य वाढलेल्या ठाण्याची तहान वाढीव पाणी पुरवठा भागवेल का?

विश्लेषण : जिनोमइंडिया प्रकल्प भारतासाठी किती महत्त्वाचा?

संक्रातीच्या मुहूर्तावर ‘अमृत स्नान’; नागा साधूंना पहिला मान; त्रिवेणी संगमावर भाविकांचा महापूर

हेही वाचा – वारसा नको तर विकासावर बोलूया; संजय मंडलिक यांचे शाहू महाराजांना थेट खुल्या चर्चेचे निमंत्रण

आज पत्रकार परिषदेमध्ये त्यांनी सांगितले की, कोल्हापूरच्या गादीचे वारस शाहू छत्रपती लोकसभा निवडणूक लढवत आहेत. ते शिवछत्रपतींच्या गादीचे वारसदार असल्याने हिंदुत्ववादी संघटनांनी त्यांच्यावर कोणत्याही प्रकारची टीका टिपणी करणे टाळले आहे. परंतु एमआयएम पक्षाचा पाठिंबा शाहू महाराज यांनी स्वीकारला आहे. हा कोल्हापूरच्या इतिहासातील काळा दिवस आहे. देश विघातक पक्षाचा पाठिंबा स्वीकारून या प्रवृत्तीला राजाश्रय कशासाठी दिला जात आहे. या घटनेमुळे ही प्रवृत्ती जिल्ह्याच्या राजकारणात प्रवेश करीत आहे. ही कीड पसरण्याआधीच तिला इथेच रोखावे. उद्या कोल्हापुरात धर्मांध जिहादी तयार झाले तर याला सर्वस्वी आपण जबाबदार असाल. एका निवडणुकीकरिता कोल्हापूरकरांचे भविष्य अंधारात लोटू नका. ओवेसी प्रवृत्तीला बळ देऊ नका, असा इशारा यावेळी देण्यात आला.

हेही वाचा – वारसा नको तर विकासावर बोलूया; संजय मंडलिक यांचे शाहू महाराजांना थेट खुल्या चर्चेचे निमंत्रण

राज्य शासनाने छत्रपती संभाजीनगर नामांतर करण्याचा निर्णय घेतला. तेव्हा या पक्षानेच विरोध दर्शवला होता. आमचे आराध्य दैवत संभाजी महाराजांच्या नावाला विरोध करणाऱ्या जातीवादी लोकांना देशद्रोही म्हटले पाहिजे. असे असताना करवीर संस्थांनचे छत्रपती शिवाजी – शाहू महाराज यांचे आताचे वंशज लोकसभा निवडणुकीत त्यांचा पाठिंबा स्वीकारतात, ही गोष्ट कोणत्याही शिवभक्ताला पटणारी नाही. त्यामुळे अशा प्रवृत्तीला काँग्रेस का पोसत आहे. यामागे काय षडयंत्र आहे, याचा खुलासा करण्याची मागणी त्यांनी केली आहे.