लोकवर्गणीतून लोकसभा निवडणूक लढवून जिंकणार; राजू शेट्टी यांचा विश्वास

लोकसभा निवडणुकीच्या प्रचारानिमित्त शेट्टी यांनी पन्हाळा तालुक्यात विविध गावांमध्ये सभा घेतली आहे. सातवे येथील सभेत ते पुढे म्हणाले, सामान्यांना न्याय मिळण्यासाठी रस्त्यावरची लढाईबरोबर सभाग्रहातील लढाई एकत्रितपणे लढल्यास शेवटच्या घटकापर्यंत न्याय मिळतो. सरकारने कराच्या माध्यमातून मोठ्या प्रमाणात सामान्य जनतेकडून वसुली करतात. मात्र त्याचा परतावा उद्योगपींची कर्जे राईट ॲाफ करण्यासाठी केली जाते ही शोकांतीका आहे. सामान्यापर्यंतच्या योजना फक्त कागदावरच असून त्याची जाहीरातबाजी करण्यात येत आहे.देशामध्ये सर्वाधिक उद्योग निर्माण करण्याची क्षमता असलेल्या कृषी, वस्त्रोद्योग व औद्योगीक क्षेत्राकडे केंद्र व राज्य सरकारचे दुर्लक्ष झाल्यानेच बेरोजगारी वाढू लागली आहे.

आणखी वाचा

राहुल गांधींची माध्यमांवर आगपाखड; म्हणाले, “शेतकरी व गरिबांचा मुद्दा…”

Nana Patole : निकालाआधी राजकीय घडामोडींना वेग; यातच…

इंदिरा गांधी यांच्याकडूनच घटनेची सर्वाधिक मोडतोड ; नितीन गडकरी

Radhakrishna Vikhe Patil : “राहुल गांधींनीच मला राष्ट्रवादीत जायचा प्रस्ताव..” राधाकृष्ण विखे पाटील यांचा गौप्यस्फोट

योगी आदित्यनाथ म्हणाले “काँग्रेस नेतृत्वातील ‘मविआ’ची नियत साफ नाही”

रावसाहेब दानवे पुन्हा वादाच्या भोवऱ्यात

पिंपरी : भ्रष्टाचार करणाऱ्यांना प्रायश्चित्त मिळालेच पाहिजे; जयंत पाटील यांचे विधान

आणखी वाचा-कोल्हापूर : भंडाऱ्याच्या मुक्त उधळणीत संत बाळुमामांचा रथोत्सव उत्साहात

मतदारसंघातील औद्योगीक क्षेत्राकरिता पायाभूत सुविधाचा अभाव असून औद्योगिक वसाहतीमध्ये रस्ते, गटर्स, वीज, कामगारांना आरोग्य सुविधा देणे गरजेचे आहे. आजही इचलकरंजी सारख्या शहरात नवीन उद्योगासाठी उद्योजकांना वीजेची कमतरता पडू लागली आहे. सरकारने पर्यटनाच्या नावाखाली भपकेबाज पणा केला असून हातकंणगले मतदारसंघातील सह्याद्री पर्वत रांगाच्या परिसरात असलेल्या पर्यटनास चालना देणे गरजेचे आहे.

पन्हाळा , शाहूवाडी व शिराळा तालुक्यातील डोंगरी भागात वन्यप्राण्यांनी मानवी वस्तीत हल्ले वाढू लागल्याने व पिकांचे मोठे नुकसान करू लागल्याने डोंगरी भागातील लोकांना त्रास होवू लागला आहे, असा आरोप त्यांनी केला. यावेळी स्वाभिमानीचे प्रदेशाध्यक्ष प्रा. डॅा. जालंदर पाटील, जिल्हाध्यक्ष वैभव कांबळे, जिल्हाध्यक्ष जनार्दन पाटील, पन्हाळा तालुकाध्यक्ष विक्रम पाटील यांचेसह सातवे परिसरातील ग्रामस्थ मोठ्या संख्येने उपस्थित होते.