विराट कोहलीच्या नेतृत्वाखाली भारतीय संघाने पहिल्या टी-२० सामन्यात वेस्ट इंडिजवर ६ गडी राखून मात केली. विंडीजने विजयासाठी दिलेलं २०८ धावांचं आव्हान भारतीय संघाने विराट कोहलीच्या नाबाद ९४ धावांच्या जोरावर पूर्ण केलं. विराट कोहलीने ५० चेंडूत ६ चौकार आणि ६ षटकारांच्या सहाय्याने ९४ धावा केल्या. या खेळीसह विराटने ऑस्ट्रेलियाचा माजी कर्णधार रिकी पाँटींगला मागे टाकलं आहे.
आंतरराष्ट्रीय क्रिकेटमध्ये सर्वाधिकवेळा ७५ किंवा त्यापेक्षा जास्त धावा करणाऱ्या फलंदाजांच्या यादीत विराट कोहली आता दुसऱ्या स्थानी आहे. विंडीजविरुद्ध त्याने केलेली ९४ धावांची खेळी ही आंतरराष्ट्रीय क्रिकेटमधली (७५ + या निकषामधली) ११२ वी खेळी ठरली.
आंतरराष्ट्रीय क्रिकेटमध्ये सर्वाधिकवेळा ७५ किंवा त्यापेक्षा अधिक धावा करणारे फलंदाज –
- सचिन तेंडुलकर – १६८ वेळा
- विराट कोहली – ११२ वेळा*
- रिकी पाँटींग – ११२ वेळा
- जॅक कॅलिज – १११ वेळा
या मालिकेतला दुसरा सामना ८ डिसेंबरला तिरुअनंतरपुरमच्या मैदानावर खेळवला जाणार आहे. त्यामुळे या सामन्यात दोन्ही संघ कशी कामगिरी करतो याकडे सर्वांचं लक्ष असणार आहे.
अवश्य वाचा – IND vs WI : विराटचा शाहिद आफ्रिदीला धोबीपछाड, मिळवलं दिग्गज खेळाडूंच्या पंगतीत स्थान
