महिलांचे ‘आयपीएल’ प्रगतिपथावर – अंजूम चोप्रा

हरमनप्रीत कौर हिच्या नेतृत्वाखाली भारताला या वर्षी ऑस्ट्रेलियात ट्वेन्टी-२० विश्वचषकात अंतिम फेरीत यजमान ऑस्ट्रेलियाकडून पराभव पत्करावा लागला होता. मात्र विश्वचषक जिंकला असता तर क्रिकेटवेडय़ा भारतात महिला क्रिकेटने असाधारण उंची गाठली असती. ‘‘गेल्या वर्षी महिलांच्या ट्वेन्टी-२० चॅलेंज स्पर्धेत चार सामने खेळवण्यात आले होते. यंदा सात सामने होणार होते. या स्थितीत महिलांमधील आयपीएल प्रगतिपथावर आहे. जर ट्वेन्टी-२० विश्वचषक भारताने यंदा जिंकला असता तर ट्वेन्टी-२० चॅलेंज स्पर्धेतील सामन्यांची संख्या वाढली असती. विश्वचषकातील विजेता आणि उपविजेता यांच्यात हाच फरक असतो,’’ याकडे १७ वर्षे भारताचे प्रतिनिधित्व करणाऱ्या अंजूम हिने लक्ष वेधले.