Mahendra Singh Dhoni Hookah Video Viral : महेंद्रसिंग धोनी हा क्रिकेटच्या मैदानावर त्याच्या शानदार खेळीसाठी आणि मैदानाबाहेर साधे जीवन जगण्यासाठी ओळखला जातो. धोनीने त्याच्या ४२ व्या वाढदिवसानिमित्त सोशल मीडियावर एक व्हिडिओ शेअर केला होता, ज्यामध्ये तो आपल्या पाळीव प्राण्यांसोबत केक कापून वाढदिवस साजरा करताना दिसत होता, ज्याला पाहून सर्वांनी माहीचे कौतुक केले. पण आता सोशल मीडियावर एक व्हिडीओ व्हायरल होत आहे, ज्यामध्ये चेन्नई सुपर किंग्जचा (सीएसके) कर्णधार ‘हुक्का’ ओढताना दिसत आहे.
व्हिडीओमध्ये दिसत आहे की, माजी भारतीय कर्णधार त्याच्या लांब केसांचा लूक असलेल्या सूटमध्ये दिसत आहे आणि त्याच्या आजूबाजूला काही लोकही दिसत आहेत. दरम्यान, सीएसकेचा कर्णधार हुक्का ओढताना दिसला. धोनीने आधी हुक्का तोंडात घातला आणि धूर आत घेतला आणि नंतर तो धूर बाहेर काढताना दिसला. धोनीच्या या व्हिडीओवर लोकांनी वेगवेगळ्या प्रतिक्रिया व्यक्त केल्या. तो हुक्का आहे की नाही हे स्पष्ट नाही. मात्र, अनेक चाहत्यांचे म्हणणे आहे की धोनी हुक्का ओढतो आणि हे योग्य नाही. कारण माजी कर्णधार देशातील तरुणांसाठी प्रेरणास्थान आहे.
महेंद्रसिंग धोनी झाला ट्रोल –
काही चाहत्यांचे म्हणणे आहे की धोनी फ्लेवर्ड हुक्का ओढत होता, जो हानिकारक नाही. धोनीने आधीच सांगितले होते की तो फ्लेवरचा हुक्का पितो. हा व्हिडीओ कधी आणि कुठे काढण्यात आला याची पुष्टी झालेली नाही.
सीएसकेला पाचव्यांदा आयपीएल ट्रॉफी जिंकून दिली –
चेन्नई सुपर किंग्सने गेल्या वर्षी झालेल्या आयपीएल २०२३ मध्ये विजेतेपद पटकावले होते. धोनीच्या नेतृत्वाखाली सीएसके संघ २०२३ मध्ये पाचव्यांदा आयपीएल चॅम्पियन बनला. धोनीने संपूर्ण हंगामात संघासाठी काही शानदार फिनिशिंग इनिंग खेळल्या होत्या, ज्याने चाहत्यांचे खूप मनोरंजन केले.
धोनीची आयपीएल कारकीर्द –
एमएस धोनीने आपल्या कारकिर्दीत आतापर्यंत २५० आयपीएल सामने खेळले आहेत. या सामन्यातील २१८ डावात फलंदाजी करताना ३८.७९ च्या सरासरीने आणि १३५.९२ च्या स्ट्राइक रेटने ५०८२ धावा केल्या आहेत. या काळात चेन्नईच्या कर्णधाराने २४ अर्धशतके झळकावली आहेत.
