“PSL मध्ये १६ कोटींची…”; ‘IPL खेळायला कोण जातं बघू’ म्हणणाऱ्या PCB अध्यक्षांना भारतातून चोख उत्तर

“आपल्याला आर्थिक आघाड्यांवर आत्मनिर्भर होण्यासाठी स्वत:च्या काही गोष्टी उभाराव्या लागतील. आपल्याकडे सध्या पीएसएल आणि आयसीसीचा निधी सोडून इतर काहीही उत्पनाचं साधन नाहीय. पुढील वर्षीपासूनच्या पीएसएलच्या पद्धतीबद्दल चर्चा सुरु आहे. मला पुढील वर्षीपासून पीएसएलमध्ये लिलाव पद्धत लागू करायची आहे. बाजरपेठेकडून सकारात्मक संकेत मिळत आहेत. पण आम्ही सर्व संघमालकांसोबत बसून चर्चा करुन आणि निर्णय घेऊ,” असं रमीझ राजा म्हणालेत. तसेच पुढे बोलाताना त्यांनी थेट आयपीएलचा उल्लेख केलाय.

आणखी वाचा

गुकेशने डिंगला बरोबरीत रोखले! दुसऱ्या डावात काळ्या मोहऱ्यांनी अर्ध्या गुणाची कमाई

रोहित परतल्याने सलामीचा तिढा

चॅम्पियन्स करंडकाच्या भवितव्यासाठी २९ नोव्हेंबरला बैठक

Gautam Gambhir : गौतम गंभीरने अचानक सोडली टीम इंडियाची साथ, कसोटी मालिका अर्धवट सोडून का परतला मायदेशी?

IPL 2025 Unsold Players List : डेव्हिड वॉर्नर, केन विल्यम्सन आणि शार्दुल ठाकुरसारखे दिग्गज खेळाडू राहिले अनसोल्ड, पाहा यादी

Pakistan Cricket Team : पाकिस्तान संघ भगव्या टोप्या घालून उतरला मैदानात, नेमकं काय आहे कारण? जाणून घ्या

Vaibhav Suryavanshi IPL 2025 : BCCI ने वैभव सूर्यवंशीच्या हाडांची केली होती चाचणी? लिलावात राजस्थानने १.१ कोटी रुपयांच्या बोलीसह केलं खरेदी

जागतिक अॅथलेटिक्सच्या अध्यक्षांची क्रीडामंत्री मांडवियांशी भेट

नक्की पाहा >> Video: ‘तो’ पॅव्हेलियनकडे जाताना ऑस्ट्रेलियाचा संपूर्ण संघ टाळ्या वाजवू लागला; काराचीच्या मैदानावर…

“हा सारा पैशाचा खेळ आहे. पाकिस्तानमधील क्रिकेटची अर्थव्यवस्था वाढेल तेव्हा आम्हाला मिळणारा मानही वाढले. आमचा सर्वात मोठा आर्थिक आधार हा पीएसएल आहे. आम्ही पीएसएलमध्ये लिलाव पद्धत सुरु केली, अधिक पैसा आणला तर स्पर्धा आयपीएलच्या तोडीची होईल, मग आपण बघू की पीएसएल सोडून आयपीएल खेळायला कोण जातं,” असा अतिआत्मविश्वास रमीझ राजा यांनी व्यक्त केलाय.

भारताचा माजी समलामीवीर आणि सध्या समालोचक असणाऱ्या आकाश चोप्राने यावरुन रमीज राजा यांना टोला लगावलाय. “पीएसएलमध्ये लिलाव पद्धत सुरु केली तरी कोणत्याही खेळाडूला या लीगसाठी १६ कोटी रुपये मिळणार नाही. बाजारपेठेचा वेग असं होऊ देणार नाही,” असं आकाश चोप्राने म्हटलंय. मागील वर्षी राजस्थान रॉयल्सने दक्षिण आफ्रीकेचा अष्टपैलू खेळाडू क्रिस मॉरिससाठी १६ कोटी रुपये मोजले होते.

नक्की वाचा >> सर्व फॉरमॅटमध्ये हा पाकिस्तानी फलंदाज विराट, रोहितपेक्षाही सरस?; इंग्लंडच्या माजी कर्णधारानेही केलं कौतुक

आकाश चोप्राने त्याच्या अधिकृत युट्यूब चॅनेलवर यासंदर्भात भाष्य केलंय. “लीगचे अधिकार विकले तर पैसे येतात. त्या आधारावर लीगचं मूल्यांकन होतं आणि संघांची किंमत निश्चित केली जाते. त्यानंतर ठराविक रक्कम ठरवून ती खर्च करण्याची मूभा संघाना दिली जाते. हा प्रकार ड्राफ आणि लिलाव दोन्हींमध्ये असतो,” असं चोप्राने म्हटलंय.

पुढे बोलताना, “रमीज भाईंचं म्हणणं आहे की पीएसएलमध्ये लिलाव झाला तर किंमत अधिक मिळेल. मात्र तुम्ही पीएसएलच्या कोणत्याही खेळाडूला १६ कोटींची बोली लागल्याचं पाहिलं नसेल. हे शक्य नाहीय. बाजरपेठेमध्ये किती जोर आहे यावर हे अवलंबून असतं, हे स्पष्टच आहे,” असं चोप्राने लिलावामागील अर्थकारण सांगताना म्हटलंय.

पीएसएलचं २०२२ मधील पर्व मागील महिन्यामध्ये पार पडलं. लाहोरच्या संघाने ही स्पर्धा जिंकली. २६ मार्चपासून आयपीएलच्या यंदाच्या पार्वाला सुरुवात होत असून चेन्नई सुपर किंग्स आणि कोलकाता नाईट रायडर्समध्ये मुंबईतील वानखेडे स्टेडियममधील सामन्यापासून स्पर्धेला सुरुवात होणार आहे.