…आणि बाद झालेला डी’व्हिलियर्स पुन्हा मैदानात

मोहाली कसोटीच्या दुसऱया दिवशी भारतीय फिरकीपटूंना द.आफ्रिकेच्या फलंदाजांना वेसण घालण्यात यश आले असून आफ्रिकेचा निम्मा संघ तंबूत दाखल झाला आहे. पण, सध्या दमदार फॉर्मात असलेला द.आफ्रिकेचा हुकमी एक्का अजूनही मैदानात जम बसवून आहे. खरंतर त्यालाही रविंद्र जडेजाने आपल्या फिरकी जाळ्यात ओढलं होतं पण, डी’व्हिलियर्सचं नशीब बलवत्तर ठरलं असचं म्हणता येईल कारण डी’व्हिलियर्स बाद झालेला चेंडू ‘नो बॉल’ असल्याचे निष्पन्न झाले. त्यामुळे माघारी परतलेल्या डी’व्हिलियर्सला पुन्हा मैदानात बोलावण्यात आले आणि स्टेडियमवर उपस्थित सर्व भारतीय चाहत्यांची निराशा झाली.