असं कुठं असतं का राव? एबी डिव्हिलियर्सने दोन वर्षांनी दिला विराट कोहलीला रिप्लाय

विराट कोहलीने दोन वर्षांपूर्वी आपल्या ट्वीटर अकाऊंटवर एक फोटो पोस्ट केला होता. या फोटोमध्ये विराटसोबत एबी डिव्हिलियर्स, मोहम्मद सिराज आणि देवदत्त पडिक्कल दिसत आहेत. विराट कोहलीने या फोटोला एक मजेशीर कॅप्शन दिले होते. “या फोटोमुळे मला पुन्हा शाळेतील दिवसांची आठवण झाली आहे. एकाच वर्गातील चार मुलांपैकी फक्त एबी असा मुलगा आहे ज्याने गृहपाठ पूर्ण केला आहे. इतर तीन जणांना माहित आहे की ते आता अडचणीत आले आहेत.”

विराट कोहलीने पोस्ट केलेल्या फोटोमध्ये फक्त डिव्हिलियर्सच्या चेहऱ्यावर हसू आहे. तर, विराटसह बाकीचे खेळाडू काहीसे उदास दिसत आहेत. या फोटोवर आता दोन वर्षांनी एबी डिव्हिलियर्सने मजेशीर प्रतिक्रिया दिली आहे. विराटच्या या पोस्टवर प्रतिक्रिया देताना एबी डिव्हिलियर्सने लिहिले की, “आणि मी सिराजचा गृहपाठ केला आहे.” ही प्रतिक्रिया आता व्हायरल होत आहे.