युवराजच्या वडिलांचा यू-टर्न, आता म्हणाले पराभवाला धोनी जबाबदार नाही

“मी असं कधीच म्हणालो नव्हतो. पराभवासाठी मी धोनीला कधीही जबाबदार ठरवलं नव्हतं. तुम्ही चुकीच्या माणसाला चुकीचा प्रश्न विचारलात. गेली अनेक वर्ष धोनी भारतीय संघाचं समर्थपणे नेतृत्व करतो आहे, यात काहीच वाद नाही. तो महान खेळाडू आहे, मी त्याचा चाहता आहे. ज्या पद्धतीने तो संघ हाताळतो, खडतर परिस्थितीत निर्णय घेतो हे वाखणण्याजोगं आहे.” योगराज प्रसारमाध्यमांशी बोलत होते.

दरम्यान भारतीय संघाच्या आगामी विंडीज दौऱ्यात महेंद्रसिंह धोनी खेळणार नाहीये. आगामी दोन महिने तो लष्करी सेवेत असेल. धोनीच्या जागी भारतीय संघात ऋषभ पंत यष्टीरक्षक म्हणून काम पाहिल. ३ ऑगस्टपासून भारताच्या विंडीज दौऱ्याला सुरुवात होणार आहे.