Ajay Jadeja on Pakistan Team: गेल्या काही दिवसांपासून पाकिस्तान क्रिकेटमध्ये चांगलाच गोंधळ सुरू आहे. जिथे टीम डायरेक्टर मिकी आर्थरसह सर्व प्रशिक्षकांना हटवण्यात आले. त्याचवेळी मुख्य निवडकर्ताही बदलण्यात आला. पाकिस्तानच्या सध्याच्या ऑस्ट्रेलिया दौऱ्यात मोहम्मद हाफिज संघ संचालक तसेच, मुख्य प्रशिक्षकाची भूमिका बजावणार आहे. दुसरीकडे, वहाब रियाझला मुख्य निवडकर्ता बनवण्यात आले आहे. पाकिस्तान क्रिकेट बोर्ड सध्या नव्या प्रशिक्षकाच्या शोधात आहे.
विश्वचषकात घरचे प्रशिक्षक असल्याचा फायदा टीम इंडियाला मिळाला. अशा स्थितीत पाकिस्तानच्या माजी क्रिकेटपटूंनीही संघाचा प्रशिक्षक आपल्या देशाचा असावा असा आग्रह धरला आहे. ज्याच्याशी पाकिस्तानी खेळाडू चांगल्या पद्धतीने बोलू शकतात, ज्यांच्याशी संवाद चांगला आहे, असा व्यक्ती संघाचा प्रशिक्षक व्हावा अशी पाकिस्तान क्रिकेट मंडळाची देखील इच्छा आहे. अशा परिस्थितीत भारताचा माजी क्रिकेटपटू अजय जडेजाच्या एका वक्तव्याने सर्वांनाच आश्चर्याचा धक्का बसला आहे.
अजय जडेजा पाकिस्तानचा प्रशिक्षक होण्यास तयार आहे
एका स्पोर्ट्स चॅनलशी झालेल्या संवादादरम्यान, जेव्हा त्याला विचारण्यात आले की, “तुम्हाला पाकिस्तान संघाचा प्रशिक्षक व्हायला आवडेल का?” यावर माजी भारतीय खेळाडू अजय जडेजा म्हणाला, “मी तयार आहे.” आता जडेजा हे गंमतीने म्हणाला की, तो काहीतरी संकेत देत आहे, हे फक्त जडेजालाच माहित आहे. नुकत्याच झालेल्या विश्वचषकात जडेजाने अफगाणिस्तान संघाच्या मेंटॉरची भूमिका बजावली होती. संघ कर्मचारी म्हणून ही त्याची पहिली नियुक्ती होती. जडेजाच्या देखरेखीखाली अफगाणिस्तानने शानदार खेळ केला आणि चार सामने जिंकले, जे या संघाने एकाच विश्वचषकात सर्वाधिक जिंकले होते. अफगाणिस्तानने या विश्वचषक २०२३मध्ये एक नवा इतिहास रचला आहे.
१९९६च्या विश्वचषक उपांत्यपूर्व फेरीत जडेजाने महत्त्वाची खेळी खेळली होती
अफगाणिस्तानने इंग्लंड आणि पाकिस्तानसारख्या विश्वचषक विजेत्या संघांचा पराभव केला होता. अफगाणिस्तानच्या पाकिस्तानविरुद्धच्या पराभवात जडेजाने महत्त्वाची भूमिका बजावली होती, हे पाहून चाहत्यांना बंगळुरूच्या चिन्नास्वामी स्टेडियमवर १९९६च्या विश्वचषकातील दुसरा उपांत्यपूर्व फेरीचा सामना आठवला. त्या सामन्यात नवज्योत सिंग सिंधू, व्यंकटेश प्रसाद आणि अनिल कुंबळे यांनी भारताच्या विजयात महत्त्वाची भूमिका बजावली होती. व्यंकटेशने आमिर सोहेलला पॅव्हेलियनमध्ये परत पाठवले हे कोण विसरू शकेल. मात्र, या सामन्याचा खरा हिरो होता अजय जडेजा. त्याने २५ चेंडूत ४५ धावांची तुफानी खेळी केली. आता तो पाकिस्तानचा प्रशिक्षक बनण्यास तयार असल्याच्या त्याच्या वक्तव्याने सर्वांनाच आश्चर्य वाटले आहे.
जडेजाने पाकिस्तानची तुलना अफगाणिस्तानशी केली
जडेजा म्हणाला, “मी माझा सर्व अनुभव अफगाणिस्तानशी शेअर केला. माझा असा विश्वास आहे की, पाकिस्तान एकेकाळी अफगाणिस्तानसारखा झाला असावा. अफगाणिस्तानने भारतातील विश्वचषक स्पर्धेत नऊ सामन्यांत चार विजय नोंदवले आणि गुणतालिकेत सहावे स्थान पटकावले. त्याच वेळी, पाकिस्तान विश्वचषक २०२३ गुणतालिकेत अफगाणिस्तानपेक्षा वरचढ राहण्यात यशस्वी झाला. मात्र, बाबर आझम आणि त्यांचा संघ आयसीसी स्पर्धेच्या उपांत्य फेरीत प्रवेश करू शकला नाही. साखळी फेरीत संघ आठ गुणांसह पाचव्या स्थानावर राहिला.” आता आगामी काळात खरच तो पाकिस्तानच्या प्रशिक्षक होणार की, ही सर्व इथेच थांबणार हे पाहणे उत्सुकतेचे ठरणार आहे.
विश्वचषकात घरचे प्रशिक्षक असल्याचा फायदा टीम इंडियाला मिळाला. अशा स्थितीत पाकिस्तानच्या माजी क्रिकेटपटूंनीही संघाचा प्रशिक्षक आपल्या देशाचा असावा असा आग्रह धरला आहे. ज्याच्याशी पाकिस्तानी खेळाडू चांगल्या पद्धतीने बोलू शकतात, ज्यांच्याशी संवाद चांगला आहे, असा व्यक्ती संघाचा प्रशिक्षक व्हावा अशी पाकिस्तान क्रिकेट मंडळाची देखील इच्छा आहे. अशा परिस्थितीत भारताचा माजी क्रिकेटपटू अजय जडेजाच्या एका वक्तव्याने सर्वांनाच आश्चर्याचा धक्का बसला आहे.
अजय जडेजा पाकिस्तानचा प्रशिक्षक होण्यास तयार आहे
एका स्पोर्ट्स चॅनलशी झालेल्या संवादादरम्यान, जेव्हा त्याला विचारण्यात आले की, “तुम्हाला पाकिस्तान संघाचा प्रशिक्षक व्हायला आवडेल का?” यावर माजी भारतीय खेळाडू अजय जडेजा म्हणाला, “मी तयार आहे.” आता जडेजा हे गंमतीने म्हणाला की, तो काहीतरी संकेत देत आहे, हे फक्त जडेजालाच माहित आहे. नुकत्याच झालेल्या विश्वचषकात जडेजाने अफगाणिस्तान संघाच्या मेंटॉरची भूमिका बजावली होती. संघ कर्मचारी म्हणून ही त्याची पहिली नियुक्ती होती. जडेजाच्या देखरेखीखाली अफगाणिस्तानने शानदार खेळ केला आणि चार सामने जिंकले, जे या संघाने एकाच विश्वचषकात सर्वाधिक जिंकले होते. अफगाणिस्तानने या विश्वचषक २०२३मध्ये एक नवा इतिहास रचला आहे.
१९९६च्या विश्वचषक उपांत्यपूर्व फेरीत जडेजाने महत्त्वाची खेळी खेळली होती
अफगाणिस्तानने इंग्लंड आणि पाकिस्तानसारख्या विश्वचषक विजेत्या संघांचा पराभव केला होता. अफगाणिस्तानच्या पाकिस्तानविरुद्धच्या पराभवात जडेजाने महत्त्वाची भूमिका बजावली होती, हे पाहून चाहत्यांना बंगळुरूच्या चिन्नास्वामी स्टेडियमवर १९९६च्या विश्वचषकातील दुसरा उपांत्यपूर्व फेरीचा सामना आठवला. त्या सामन्यात नवज्योत सिंग सिंधू, व्यंकटेश प्रसाद आणि अनिल कुंबळे यांनी भारताच्या विजयात महत्त्वाची भूमिका बजावली होती. व्यंकटेशने आमिर सोहेलला पॅव्हेलियनमध्ये परत पाठवले हे कोण विसरू शकेल. मात्र, या सामन्याचा खरा हिरो होता अजय जडेजा. त्याने २५ चेंडूत ४५ धावांची तुफानी खेळी केली. आता तो पाकिस्तानचा प्रशिक्षक बनण्यास तयार असल्याच्या त्याच्या वक्तव्याने सर्वांनाच आश्चर्य वाटले आहे.
जडेजाने पाकिस्तानची तुलना अफगाणिस्तानशी केली
जडेजा म्हणाला, “मी माझा सर्व अनुभव अफगाणिस्तानशी शेअर केला. माझा असा विश्वास आहे की, पाकिस्तान एकेकाळी अफगाणिस्तानसारखा झाला असावा. अफगाणिस्तानने भारतातील विश्वचषक स्पर्धेत नऊ सामन्यांत चार विजय नोंदवले आणि गुणतालिकेत सहावे स्थान पटकावले. त्याच वेळी, पाकिस्तान विश्वचषक २०२३ गुणतालिकेत अफगाणिस्तानपेक्षा वरचढ राहण्यात यशस्वी झाला. मात्र, बाबर आझम आणि त्यांचा संघ आयसीसी स्पर्धेच्या उपांत्य फेरीत प्रवेश करू शकला नाही. साखळी फेरीत संघ आठ गुणांसह पाचव्या स्थानावर राहिला.” आता आगामी काळात खरच तो पाकिस्तानच्या प्रशिक्षक होणार की, ही सर्व इथेच थांबणार हे पाहणे उत्सुकतेचे ठरणार आहे.
