Ajinkya Rahane scored a century for Leicestershire in County Championship : अजिंक्य रहाणे बऱ्याच दिवसांपासून टीम इंडियातून बाहेर आहे. मात्र शतक झळकावून त्याने पुन्हा एकदा भारतीय संघाचे दार ठोठावले आहे. रहाणेने काउंटी चॅम्पियनशिप डिव्हिजन टू २०२४ च्या सामन्यात लीसेस्टरसाठी शतक झळकावले. त्याने शतकी खेळी करत लीसेस्टरशायर संघाला ३०० धावांचा पल्ला गाठून देत मजबूत स्थितीत पोहोचवले. रहाणेने भारत-बांगलादेश कसोटी मालिकेपूर्वी शतक झळकावल्याने त्याच्या टीम इंडियात पुनरागमनाच्या आशा वाढल्या आहेत.
अजिंक्य रहाणे टीम इंडियातील पुनरागमनाचे दिले संकेत –
अजिंक्य रहाणेने टीम इंडियासाठी शेवटचा कसोटी सामना जुलै २०२३ मध्ये खेळला होता. या सामन्यानंतर तो टीम इंडियामध्ये पुनरागमन करु शकला नाही. आता भारत आणि बांगलादेश यांच्यात १९ सप्टेंबरपासून कसोटी मालिका खेळवली जाणार आहे. या मालिकेपूर्वी रहाणेने आपल्या कामगिरीत सातत्य ठेवले, तर त्याला लवकरच टीम इंडियात संधी दिली जाऊ शकते.
अजिंक्यने रहाणेने लीसेस्टरशायरसाठी झळकावले शतक –
वास्तविक, काउंटी चॅम्पियनशिपमध्ये कार्डिफमध्ये लीसेस्टरशायर आणि ग्लॅमॉर्गन यांच्यात सामना खेळला जात आहे. या सामन्यादरम्यान लिसेस्टरशायरच्या दुसऱ्या डावात रहाणे चौथ्या क्रमांकावर फलंदाजीला आला होता. त्याने १९२ चेंडूत १०२ धावा केल्या. रहाणेने या खेळीत १३ चौकार आणि एक षटकारही लगावला. या शतकानंतर तो सोशल मीडियावर ट्रेंड करू लागला.
अजिंक्य रहाणेबाबत अनेक पोस्ट शेअर करण्यात आल्या आहेत. ज्यामध्ये तो लवकर भारतीय कसोटी संघात स्थान मिळवेल, असे बोलले जात आहे. त्याने टीम इंडियासाठी आतापर्यंत उत्कृष्ट कामगिरी केली आहे. रहाणेने ८५ कसोटी सामन्यात ५०७७ धावा केल्या आहेत. या कालावधीत त्याने १२ शतके आणि २६ अर्धशतके झळकावली आहेत. रहाणेची कसोटी सर्वोत्तम धावसंख्या १८८ धावा
