Ajinkya Rahane’s finger injury he will play in the second innings or not: लंडनमधील ओव्हल येथे भारत आणि ऑस्ट्रेलिया यांच्यात डब्ल्यूटीसी स्पर्धेता अंतिम सामना खेळला जात आहे. या सामन्याचे तीन दिवस पार पडले आहेत. आतापर्यंत ऑस्ट्रेलिया सामन्यात आघाडीवर आहे. त्याचवेळी भारतीय संघाचा स्टार फलंदाज अजिंक्य रहाणेने भारताच्या पहिल्या डावात ८९ धावा करत संघाला २९६ धावांपर्यंत मजल मारण्यात महत्त्वाची भूमिका बजावली. दरम्यान पॅट कमिन्सच्या चेंडूमुळे त्याच्या बोटाला दुखापत झाली. रहाणेच्या या दुखापतीमुळे टीम इंडियाचा तणाव वाढू शकतो. कारण रहाणे दुसऱ्या डावात फलंदाजीला येणार की नाही हा प्रश्न आहे.
दरम्यान, स्वत: रहाणेने दुखापतीबाबत खुलासा केला आहे. पुढील डावात फलंदाजी करता येईल की नाही, हेही त्याने स्पष्ट केले. रहाणेने सामन्याच्या तिसऱ्या दिवसानंतर सांगितले की, “वेदना होत आहेत, पण बरी होण्यसारखी आहे. याचा माझ्या फलंदाजीवर परिणाम होईल असे वाटत नाही, मी ज्या प्रकारे फलंदाजी केली त्यामुळे आनंदी आहे. दिवस चांगला होता. आम्ही ३२०-३३० पर्यंत धावसंख्या उभारण्याकडे पाह होतो, परंतु एकूणच तो चांगला दिवस होता.”
भारतीय फलंदाज पुढे म्हणाला, “गोलंदाजीबद्दल बोलायचे तर आम्ही चांगली गोलंदाजी केली. सर्वांनी साथ दिली. रहाणे पुढे कॅमेरून ग्रीनच्या झेलबद्दल बोलताना म्हणाला, “तो एक चांगला झेल होता. तसेच तो एक चांगला क्षेत्ररक्षक आहे, हे आपल्या सर्वांना माहीत आहे. त्याची पोहोच मोठी आहे. या सामन्यात ऑस्ट्रेलिया थोडी पुढे आहे.”
हेही वाचा – IND vs AUS WTC Final: केएस भरत पुन्हा एकदा अपयशी ठरल्याने चाहते संतापले, सोशल मीडियावर ट्रोल करताना म्हणाले…
रहाणे पुढे म्हणाला, “आमच्यासाठी या क्षणात असणे आणि सत्रानुसार खेळणे महत्त्वाचे आहे. दुसऱ्या दिवशीचा पहिला तास महत्त्वाचा असेल. आम्हाला माहित आहे की मजेदार गोष्टी घडू शकतात. जडेजाने खरोखरच चांगली गोलंदाजी केली, लेगवर्कने त्याला डाव्या हाताच्या फलंदाजाविरुद्ध मदत केली. तरीही वेगवान गोलंदाजांना विकेट मदत करेल असे वाटते.”
ऑस्ट्रेलियाने २९६ धावांची आघाडी घेतली –
सामन्याच्या तिसऱ्या दिवसअखेर ऑस्ट्रेलियाने दुसऱ्या डावात फलंदाजी करताना ४ बाद १२३ धावा केल्या आहेत. याद्वारे कांगारू संघाने २९६ धावांची मजबूत आघाडी मिळवली आहे.
