रोहित-विराटचा संदर्भ देत भारताचा कोच होणाऱ्या गंभीरला माजी खेळाडूने दिला इशारा, म्हणाले; “संघातले बरेचसे खेळाडू…”

गौतम गंभीरच्या मार्गदर्शनाखाली KKR च्या आय़पीएलमधील प्रभावी कामगिरीमुळे तो द्रविडच्या जागी पुढील भारतीय मुख्य प्रशिक्षक म्हणून निवडला जाईल, अशी दाट शक्यता आहे. गंभीर व्यतिरिक्त, भारताचे आणखी एक माजी क्रिकेटपटू डब्ल्यूव्ही रमन यांनी भारतीय क्रिकेटमधील मोठ्या पदासाठी मुलाखत दिली आहे.

हेही वाचा – “माझा भाऊ थोडा चांगला असता…” वासिम जाफर मायकल वॉनला उद्देशून पाहा काय बोलून गेला? VIDEO व्हायरल

भारताचा माजी क्रिकेटपटू आकाश चोप्राने भारतीय संघाच्या मुख्य प्रशिक्षकपदाच्या नियुक्तीबाबत आपले मत मांडले आणि अपडेटही दिले आहेत. चोप्रा म्हणाला, “गौतम गंभीरने भारताच्या प्रशिक्षकपदासाठी ही मुलाखत दिली आहे. गौतम गंभीरची मुलाखत ही व्हर्च्युअल पध्दतीने झाली तर डब्ल्यू.व्ही. रमण हे मुलाखतीसाठी प्रत्यक्ष उपस्थित होते आणि चांगले प्रेझेंटेशनही दिले, अशी माहिती कानावर आली. पण गौतम गंभीर या शर्यतीत आघाडीवर आहे, याची सगळीकडेच चर्चा आहे.” चोप्रा यांनी त्यांच्या यूट्यूब चॅनेलवर सांगितले.

हेही वाचा – T20 WC 2024: बांगलादेशच्या खेळाडूवर ICC ची कारवाई, नेपाळविरूद्धच्या सामन्यात कर्णधारासह घातलेला वाद

संघाचे नवे प्रशिक्षक म्हणून रूजू झाल्यानंतर स्थित्यंतरातून जाणाऱ्या भारतीय संघाला मॅनेज करणं गंभीरसाठी अवघड असणार आहे, कारण संघातली रोहित शर्मा, विराट कोहली, रवी अश्विन असे आणि इतरही काही खेळाडू ३० पेक्षा अधिक वर्षांचे आहेत आणि त्यांची व्हाईट बॉल चेंडूमधील भूमिका कशी असणार आहे आणि आगामी २०२७ साठी संघबांधणी करणं हे मोठं काम नव्या कोचसमोर असणार आहे.

हेही वाचा – ‘क्रिकेटमध्ये सेक्स ही अत्यंत सामान्य गोष्ट…’, अभिषेक नायरचे मुलाखतीत मोठे वक्तव्य, म्हणाला; “एवढं दडपण असतं की…”

भारतीय संघाविषयी पुढे सांगताना चोप्रा म्हणाले,”हा स्थित्यंतराचा काळ आहे. संघातले बरेचसे खेळाडू तिशीपल्याड आणि काहीतर पस्तिशीपल्याड आहेत. त्यामुळे संघाची नव्याने बांधणी करावी लागेल. पुढील तीन ते चार वर्षांत, जेव्हा २०२७ विश्वचषक येईल, त्यासाठी तुम्हाला तुमचा संघ तयार करायचा आहे. २०२७ मध्ये वर्ल्ड टेस्ट चॅम्पियनशिप आणि २०२६ मध्ये भारत आणि श्रीलंकेमध्ये टी-२० विश्वचषक होणार आहे. त्यामुळे एक अतिशय महत्त्वाचा रोडमॅप तयार करण्याची जबाबदारी असणार आहे.”