Happy Birthday Virat Kohli: टीम इंडियाचा माजी कर्णधार आणि स्टार फलंदाज विराट कोहली आज त्याचा ३५ वा वाढदिवस साजरा करत आहे. या खास दिवशी, संपूर्ण जग विराट कोहलीला वाढदिवसाच्या अनेक शुभेच्छा देत आहे. विराटचे चाहते त्याला सतत सोशल मीडियावर वाढदिवसाच्या शुभेच्छा देत आहेत. भारताचा स्टार फलंदाज विराट कोहलीने आजपर्यंत जे काही मिळवले आहे, त्याचे श्रेय तो पत्नी अनुष्काला देतो. प्रत्येक वेळी कोहलीच्या वाढदिवसानिमित्त अनुष्का अनेक न पाहिलेले फोटो शेअर करत असते. चाहते अनुष्काच्या पोस्टची वाट पाहत असतात आणि यावेळीही असेच काहीसे घडले आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

विराट कोहलीच्या वाढदिवसानिमित्त अनुष्काची खास पोस्ट –

विराट कोहलीला वाढदिवसाच्या शुभेच्छा देण्यासाठी अनुष्काने इन्स्टाग्रामवर तीन फोटो शेअर केले आहेत. पहिल्या फोटो एका बातमीचा काही भाग आहे, ज्यात विराट कोहलीच्या गोलंदाजीच्या विक्रमाबद्दल लिहिले होते. या विक्रमानुसार कोहलीने टी-२० कारकिर्दीतील पहिल्याच चेंडूवर एक विकेट घेतली होती, जो वाइड बॉल होता. यानंतर दुसऱ्या फोटोमध्ये कोहली विचित्र एक्सप्रेशन देताना दिसला. तिसऱ्या फोटोत विराट आणि अनुष्का एकत्र दिसत आहेत.

आणखी वाचा

विराटसाठी खास कॅप्शन –

अभिनेत्री अनुष्का शर्माने कॅप्शनमध्ये लिहिले की, ‘विराट प्रत्येक भूमिकेत सर्वात आघाडीवर राहिला आहे, तरीही तो कोणते ना कोणते यश मिळवत राहतो. मी तुझ्यावर कायम असेच प्रेम करीन, प्रत्येक क्षणी, काहीही झाले तरी.’ अनुष्काच्या या पोस्टवर कमेंट्सचा महापूर आला आहे. पत्नीच्या या पोस्टवर विराटनेही प्रतिक्रिया दिली आहे. अनुष्काची ही पोस्ट चाहत्यांना खूप आवडली. श्रीलंकेविरुद्धच्या सामन्यातही चाहत्यांनी विराटला गोलंदाजी करू देण्याचे आवाहन केले होते. यानंतर राहुल द्रविडनेही पत्रकार परिषदेत हेच सांगितले.

हेही वाचा – Virat Kohli Birthday: …म्हणून विराट कोहली १८ नंबरची जर्सी घालतो; जाणून घ्या कारण आणि हिंदू धर्मात या संख्येचे महत्व

कोहलीच्या वाढदिवशी भारताच्या नावावर मोठा विक्रम आहे –

विराट कोहलीचा वाढदिवस भारतीय संघासाठी खूप भाग्यवान ठरला आहे. आतापर्यंत ५ नोव्हेंबरला झालेल्या सर्व सामन्यांमध्ये भारताने विजय मिळवला आहे. आता संघाला दक्षिण आफ्रिकेविरुद्धही तेच आवडेल.