Arjun Tendulkar: अर्जुन तेंडुलकरने पहिल्यांदाच पटकावल्या ५ विकेट्स; रणजी करंडक स्पर्धेत भेदक गोलंदाजी; ८४ धावांवर संघ सर्वबाद

२५ वर्षीय डावखुरा वेगवान गोलंदाज अर्जुन तेंडुलकरने अरुणाचल प्रदेशच्या फलंदाजीचे कंबरडे मोडले. त्याने ९ षटकांत २५ धावा देत ५ विकेट घेतले. यादरम्यान अर्जुनने ३ मेडन षटकं टाकली. अर्जुनने आपल्या १७व्या प्रथम श्रेणी सामन्यात ५ विकेट्स घेण्याचा पराक्रम केला. या सामन्यात अरुणाचल प्रदेशने नाणेफेक जिंकून प्रथम फलंदाजी करण्याचा निर्णय घेतला. मात्र सामन्याच्या दुसऱ्याच षटकात अर्जुनने अरुणाचल प्रदेशचा सलामीवीर नबाम हाचांगला क्लीन बोल्ड केले.

नक्की वाचा

Ricky Ponting on Gautam Gambhir: “स्वभावच इतका चिडचिडा…”, गौतम गंभीरबाबत रिकी पॉन्टिंगचे मोठे वक्तव्य, विराट कोहलीच्या फॉर्मवरून रंगला वाद

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

Donald Trump Won US Election 2024: जागतिक महासत्तेच्या चाव्या पुन्हा डोनाल्ड ट्रम्प यांच्या ताब्यात; अमेरिकेत मोठ्या विजयासह सत्तारूढ होणार!

Gautam Adani : “गौतम अदाणींनी मविआ सरकार पाडलं, अजित पवारांची कबुली”, उपमुख्यमंत्र्यांच्या मुलाखतीचा दाखला देत ठाकरेंच्या शिवसेनेचा टोला

Raj Thackeray : “माझा मुलगा रुग्णालयात असताना हा माणूस विकला गेला”, राज ठाकरेंकडून सात वर्षांनी मनातली खदखद व्यक्त

Sarangi Mahajan : सारंगी महाजन यांचा आरोप; “धनंजय आणि पंकजा मुंडे या दोघांनी माझी जमीन लाटली, आणि..”

Ruturaj Gaikwad: “अपील करायला लाज वाटली पाहिजे…”, ऑस्ट्रेलियातून महाराष्ट्रासाठी धावून आला ऋतुराज गायकवाड, रणजीमधील कॅचचा व्हीडिओ केला शेअर

Maharashtra Assembly Election 2024 : कोल्हापूर काँग्रेसमध्ये दोन गट? शाहू महाराज – सतेज पाटील यांच्यातील संबंधात कटुता?

हेही वाचा – Ricky Ponting on Gautam Gambhir: “स्वभावच इतका चिडचिडा…”, गौतम गंभीरबाबत रिकी पॉन्टिंगचे मोठे वक्तव्य, विराट कोहलीच्या फॉर्मवरून रंगला वाद

अर्जुन तेंडुलकरने अरूणाचल संघाच्या ५ फलंदाजांना बाद करत संघाला जबरदस्त सुरूवात केली. पहिल्या विकेटनंतर नीलम ओबी (२२) आणि चिन्मय पाटील (३) यांनी थोडी झुंज दिली, मात्र अर्जुनने १२व्या षटकात लागोपाठ दोन विकेट घेतल्यामुळे पाहुण्या संघाची अवस्था आणखीच बिकट झाली. अर्जुनने पाच विकेट पूर्ण करेपर्यंत अरुणाचलची धावसंख्या १७.१ षटकांत ३६/५ अशी होती.

अरुणाचलचा कर्णधार नबाम अबो याने २५ चेंडूत पाच चौकारांसह नाबाद २५ धावा केल्या. परिणामी संघ ३१व्या षटकात केवळ ८४ धावांवर सर्वबाद झाला. अर्जुन व्यतिरिक्त, मोहित रेडकरने १५ धावा देत ३ विकेट्स आणि कीथ मार्क पिंटोने ३१ धावा देत २ विकेट्स घेत गोव्यासाठी चांगली गोलंदाजी केली.

हेही वाचा – Most Expensive Players in IPL: IPL इतिहासातील सर्वात १० महागडे खेळाडू आहेत तरी कोण? युवराज सिंगचा रेकॉर्ड अजूनही कायम

अर्जुनने या सामन्यापूर्वी १६ प्रथम श्रेणी सामन्यांमध्ये ३२ विकेट घेतले होते, ज्यामध्ये त्याची मागील सर्वोत्तम कामगिरी ४९ धावांवर ४ विकेट होती. गोलंदाजीशिवाय अर्जुन हा खालच्या फळीतील चांगला फलंदाज आहे. त्याने २३.१३ च्या सरासरीने ५३२ धावा केल्या आहेत, ज्यात एक शतकं आणि दोन अर्धशतकांचा समावेश आहे. ही कामगिरी अर्जुनच्या कारकिर्दीतील महत्त्वाचा टप्पा ठरेल.