सचिनचा अर्जुन आंतरराष्ट्रीय क्रिकेटसाठी सज्ज! श्रीलंकेविरुद्ध U-19 संघात निवड

जुलै महिन्यात भारताचा १९ वर्षाखालील संघ श्रीलंका दौऱ्यावर जाणार आहे. या दौऱ्यात भारतीय संघ दोन ४ दिवसीय कसोटी सामने आणि ५ वन-डे सामने खेळणार आहे. अर्जुन तेंडूलकरची या दौऱ्यात कसोटी संघामध्ये निवड करण्यात आलेली आहे. मात्र वन-डे संघात स्थान मिळवायला त्याला जमलेलं नाहीये. आशिष कपूर, ज्ञानेंद्र पांडे, राकेश पारिख यांच्या निवड समितीने अर्जुन तेंडूलकरची संघात निवड केलेली आहे. या दौऱ्यातील कसोटी संघाचं नेतृत्व दिल्लीचा यष्टीरक्षक फलंदाज अनुज रावतकडे देण्यात आलेलं आहे. तर वन-डे संघाचं नेतृत्व आर्यन जुयाल याच्याकडे देण्यात आलंय.