IPL लिलावाआधी अर्जुन तेंडुलकरचा धमाका, एका षटकात लगावले ५ षटकार

रविवारी (१४ फेब्रुवारी) पोलिस आमंत्रण शिल्ड क्रिकेट स्पर्धेतील गट ‘अ’ च्या दुसऱ्या फेरीतील सामन्यात अर्जुन तेंडूलकर यानं आपल्यातील अष्टपैलू क्षमतेची चुणूक दाखवून दिली. अर्जुन तेंडूलकर यानं या सामन्यात ३१ चेंडूत विस्फोटक फलंदाजी करत ७७ धावांचा पाऊस पाडला. यासोबतच गोलंदाजी करताना तीन महत्वाचे बळीही मिळवले.

२१ वर्षीय अर्जुन तेंडुलकर यानं ३१ चेंडूचा सामना करताना पाच चौकार आणि आठ षटकारांचा पाऊस पडला. अर्जुन तेंडुलकर यानं फिरकीपटू हाशिर दाफेदार याच्या एका षटकात पाच षटकार लगावत विस्फोटक फलंदाजी केली. अर्जुन तेंडूलकरच्या या अष्टपैलू खेळीच्या बळावर एमआयजी क्रिकेट क्लबने पोलीस शील्ड क्रिकेट स्पर्धेत इस्लाम जिमखान्याचा १९४ धावांनी पराभव केला. एमआयजीनं ४५ षटकांत ७ बाद ३८७ धावां केल्या. मात्र, मिहिर अगरवालच्या ७७ धावानंतरही त्यांचा डाव १९१ धावांवर आचोपला.