Asia Cup 2018 : दुखापतग्रस्त हार्दिकसाठी टीम इंडियाचा बॅकअप प्लान, दीपक चहरला दुबईत पाचारण

आशिया चषकात पाकिस्तानविरुद्ध सामन्यात हार्दिक पांड्या दुखापतग्रस्त झाल्यामुळे भारतीय संघाच्या चिंतेत भर पडली होती. सुदैवाने पाकिस्तानी संघाला १६२ धावांत गुंडाळण्यामध्ये भारतीय गोलंदाज यशस्वी ठरले, यानंतर पाकचं आव्हान भारतीय फलंदाजांनी लिलया पार केल्यामुळे हार्दिक पांड्याची उणीव संघाला जाणवली नाही. मात्र हार्दिकच्या पाठीला झालेली दुखापत पाहता बीसीसीआयने संघासाठी आपला बॅकअप प्लान तयार ठेवला आहे. दिपक चहरला हार्दिकच्या जागेवर पर्याय म्हणून दुबईत पाचारण करण्यात आलेलं आहे.