यूएईमध्ये सुरू असलेल्या आशिया चषक स्पर्धेमध्ये अटीतटीच्या लढती होत आहेत. सध्या सुपर-४ फेरीतील सामने सुरू असल्यामुळे आव्हान टिकवून ठेवण्यासाठी सर्वच संघांकडून प्रयत्न केला जातोय. असे असताना ४ सप्टेंबर रोजी झालेल्या भारत-पाकिस्तान सामन्यात भारताचा पराभव झाला. या सामन्यात विराट कोहलीने धमाकेदार फलंदाजी केली. दरम्यान, पुन्हा एकदा विराट कोहलीची लोकप्रियता समोर आली आहे. या सामन्यातील एक फोटो व्हायरल होत असून विराटचे जगभरात चाहते असल्याचे म्हटले जात आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा >> आता हरभजन सिंगही आला पुढे, पाकिस्तानी खेळाडूनेही दिली प्रतिक्रिया; अर्शदीपची पाठराखण करण्यासाठी क्रिकेट जगत मैदानात

भारत-पाकिस्तान सामना पाहण्यासाठी जगभरातील क्रिकेटप्रेमी यूएईतील दुबई आंतरराष्ट्रीय क्रिकेट स्टेडियममध्ये दाखल झाले होते. सामन्यादरम्यान स्टेडियम गच्च भरले होते. हाच सामना सुरू असताना प्रेक्षक गॅलरीत उभी असलेल्या एका मुलीचा फोटो व्हायरल होत आहे. तिच्या हातात एक पोस्टर असून ‘मी येथे विराट कोहलीसाठी आलेली आहे,’ असे या पोस्टरवर लिहिलेले आहे. विशेष म्हणजे ही मुलगी पाकिस्तामधील असल्याचा दावा केला जातोय. याच फोटोमुळे सामना भारत-पाकिस्तान यांच्यात होत असला तरी एक पाकिस्तानी महिला विराटची फलंदाजी पाहण्यासाठी आली होती, असे सोशल मीडियावर म्हटले जात आहे.

https://twitter.com/PAYALSHAHU62/status/1566664804382547975

हेही वाचा >> INV vs PAK Virat Kohli : ‘…वाटले आता करिअर संपले’ विराट कोहलीने सांगितला ‘तो’ जुना प्रसंग, म्हणाला “रात्रभर…”

दरम्यान, या सामन्यात भारताने प्रथम फलंदाजी करत पाकिस्तानसमोर १८२ धावांचे लक्ष्य ठेवले होते. या लढतीत विराट कोहली चांगलाच तळपला. दुसऱ्या विकेटसाठी मैदानावर आल्यानंतर त्याने सुरुवातीपासून मोठे फटके मारले. त्याने ४४ चेंडूंमध्ये चार चौकार आणि एक षटकार लगावत ६० धावा केल्या. कोहलीच्या या कामगिरीनंतर भाराताच्या विजयाच्या आशा बळावल्या होत्या. मात्र काही चुकांमुळे भारताचा पराभव झाला.