हॉकीपटू सरदार सिंहचा धोबीपछाड, यो-यो टेस्टमध्ये विराट कोहलीलाही टाकलं मागे

एकेकाळी भारतीय हॉकी संघाचा कणा मानला जाणाऱ्या सरदार सिंहने आशियाई खेळांसाठी भारतीय संघात आपली जागा परत मिळवली आहे. माजी प्रशिक्षक जोर्द मरीन यांनी सरदारला अनफिट असल्यामुळे संघाबाहेरचा रस्ता दाखवला होता. मात्र त्याचा अनुभव पाहता सध्याचे प्रशिक्षक हरेंद्रसिंह यांनी संघाला पुन्हा एकदा स्थान दिलं आहे. यानंतर सरदार आपल्या फिटनेसवर चांगलंच लक्ष देतो आहे. आगामी एशियाड आणि विश्वचषकाच्या तयारीसाठी सरदार सध्या सरावासोबत व्यायामावरही भर देतोय. महत्वाची गोष्ट म्हणजे सरदारने यो-यो फिटनेस टेस्टमध्ये भारतीय क्रिकेट संघाचा कर्णधार विराट कोहलीलाही मागे टाकलं आहे.