Asian Games 2023 : ४१ वर्षांचा दुष्काळ मिटला, घोडेस्वारांच्या सुवर्णपदकासह भारताची पदकतालिकेत मोठी झेप

Asian Games 2023 Indian Equestrian Dressage Team Wins Gold : आशियाई क्रीडा स्पर्धेत भारताच्या घोडेस्वार संघाने सुवर्णपदक पटकावलं.

आशियाई क्रीडा स्पर्धा २०२३ मध्ये आतापर्यंत भारताने तीन सुवर्णदकं पटकावली आहेत. (PC : Jay Shah X)

Equestrian Dressage Team Wins Gold : आशियाई क्रीडा स्पर्धा २०२३ च्या तिसऱ्या दिवशी भारताने तिसरं सुवर्णपदक पटकावलं आहे. भारताच्या घोडेस्वार संघाने तब्बल ४१ वर्षांनंतर सुवर्णपदक जिंकून ऐतिहासिक कामगिरी केली आहे. भारतीय घोडेस्वार सुदीप्ती हाजेला, दिव्यकीर्ती सिंह, अनुष अग्रवाला आणि हृदय छेडा या चौघांच्या संघाने चकमदार कामगिरी करत सांघिक स्पर्धेत सुवर्णपदकावर आपलं नाव कोरलं आहे. अंतिम फेरीत या चौघांनी सर्वाधिक २०९.२०५ गुणांसह पहिलं स्थान पटकावलं. अंतिम फेरीत दिव्यकीर्तीला ६८.१७६, हृदयला ६९.९४१ आणि अनुशला ७१.०८८ गुण मिळाले. रौप्य पदकावर समाधान मानावं लागलेल्या चीनच्या संघापेक्षा भारतीय संघाने ४.५ गुण अधिक मिळवले.

१९८२ साली दिल्लीत खेळवण्यात आलेल्या आशियाई क्रीडा स्पर्धेत घोडेस्वारी या क्रीडा प्रकारात भारताने सुवर्णपदक पटकावलं आहे. गेल्या ४१ वर्षांपासून या विभागात भारताच्या सुवर्णपदकाची पाटी कोरी आहे.

आणखी वाचा

Champions Trophy 2025 Updates ECB Came in Support of PCB

Champions Trophy 2025 : चॅम्पियन्स ट्रॉफीसाठी ‘या’ देशाचा पाकिस्तानला पाठिंबा, BCCI शी पंगा घेणं पडू शकतं महागात

Nana Patole : निकालाआधी राजकीय घडामोडींना वेग; यातच…

Sanskruti More, a visually challenged chess player, satara district

अंधत्वावर मात करून यशशिखर गाठणारी बुद्धीबळपटू संस्कृती मोरे

preliminary round of loksatta lokankika one act play competition

‘लोकसत्ता लोकांकिका’ची पहिली घंटा; प्राथमिक फेरी ३० नोव्हेंबरपासून; मुंबईत २१ डिसेंबरला महाअंतिम फेरी

Champions Trophy 2025 : चॅम्पियन्स ट्रॉफी अन्य देशात हलवल्यास पाकिस्तान बोर्डाला कोट्यवधींचा फटका; कसा ते जाणून घ्या

Team India Performance in Border Gavaskar Trophy played at Australia

Team India : टीम इंडियाची ऑस्ट्रेलियामध्ये कामगिरी खूपच निराशाजनक, तब्बल ‘इतक्या’ वेळा बॉर्डर-गावस्कर ट्रॉफीत पत्करावा लागलाय पराभव

Gautam Gambhir has challenged Australia ahead Border-Gavaskar Trophy

Gautam Gambhir : ‘कोणत्याही प्रकारची खेळपट्टी तयार करा, आम्ही…’, गौतम गंभीरने बॉर्डर-गावस्कर ट्रॉफीपूर्वी ऑस्ट्रेलियाला दिले आव्हान

घोडेस्वार संघाने पटकावलेल्या सुवर्णपदकाच्या जोरावर भारताने गुणतालिकेत सहावं स्थान पटकावलं आहे. भारताने आतापर्यंत तीन सुवर्ण, चार रौप्य आणि सात कांस्य पदकं पटकावली आहेत. सोमवारी (२५ सप्टेंबर) भारताच्या महिला क्रिकेट संघाने सुवर्णपदक पटकावलं. तर आज घोडेस्वार संघाने सुवर्णपदकावर आपलं नाव कोरलं आहे.

???????? ???? ? ??? ????? ?? ????? ?? ?????

Equestrian ? Anush, Hriday, Divyakriti and Sudipti wins Gold medal in Team Dressage event with 209.205 points.#Cheer4India #AsianGames2022 #IndiaAtAG22 pic.twitter.com/UU6AvwKLrs
— Doordarshan Sports (@ddsportschannel) September 26, 2023

नेमबाजीत सुवर्ण

रुद्रांक्ष पाटील, दिव्यांश सिंह पन्वर आणि ऐश्वर्य प्रताप सिंह तोमर यांच्या भारतीय संघाने पुरुषांच्या १० मीटर एअर रायफल प्रकारातील सांघिक विभागात विश्वविक्रमासह सुवर्णपदकाची कमाई केली. सोमवारी, स्पर्धेच्या दुसऱ्या दिवशी भारताला नेमबाजीत एकूण तीन पदके मिळाली. वैयक्तिक प्रकारात ऐश्वर्य प्रताप सिंह तोमरने चुरशीच्या लढतीनंतर शूट-ऑफमध्ये कांस्यपदक पटकावलं. पाठोपाठ पुरुषांच्याच २५ मीटर रॅपिड फायर पिस्तूल प्रकाराच्या सांघिक विभागात भारताने कांस्यपदक पटकावलं.

आशियाई क्रीडा स्पर्धेतील सुवर्णपदकाचे खाते उघडून देताना ठाणेकर रुद्रांक्ष पाटील, दिव्यांश आणि ऐश्वर्य या त्रिकुटाने पात्रता फेरीतच १८९३.७ गुणांसह चीन आणि दक्षिण कोरियाचे तगडे आव्हान परतवून लावले. रुद्रांक्षने यापूर्वी जागतिक स्पर्धेत सुवर्णपदकासह ‘ऑलिम्पिक कोटा’ मिळवला आहे.

First published on: 26-09-2023 at 15:24 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Asian games 2023 indian equestrian dressage team bags gold after 41 years sudipti hajela divyakriti singh asc