विश्वचषक २०२३च्या ३९व्या सामन्यात आज ऑस्ट्रेलियाचा सामना अफगाणिस्तानशी होत आहे. हा सामना मुंबईच्या वानखेडे स्टेडियमवर खेळला जात आहे. उपांत्य फेरीच्या दृष्टीने दोन्ही संघासाठी महत्त्वाच्या असणाऱ्या या सामन्यात अफगाणिस्तानने ऑस्ट्रेलियासमोर विजयासाठी २९२ धावांचे लक्ष्य ठेवले आहे. इब्राहिम जादरानने शानदार शतक ठोकले. विश्वचषकात अफगाणिस्तानकडून शतक करणारा पहिला फलंदाज ठरला आहे. ऑस्ट्रेलियाला विश्वचषक इतिहासातील सर्वात मोठ्या धावसंख्येचा पाठलाग करायचा आहे. पहिले काही सामने गमावल्यानंतर अफगाणिस्तानचा संघ जबरदस्त फॉर्मात आहे, हे त्यांनी दाखवून दिले. त्यांनी मागील पाचपैकी चार सामने जिंकले आहेत. दुसरीकडे, ऑस्ट्रेलियाने पहिले दोन सामने गमावल्यानंतर सलग पाच सामने जिंकले आहेत. अशा स्थितीत उपांत्य फेरी गाठण्याच्या लढाईत दोघांमध्ये चुरशीची स्पर्धा होत आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
