Australia Beat Pakistan by 29 Runs in 7 over Game: Australia vs Pakistan 1st T20I: कांगारू संघाने गाबाच्या ऐतिहासिक मैदानावर पाकिस्तानचा धुव्वा उडवला आहे. तीन सामन्यांच्या टी-२० मालिकेतील ७ षटकांच्या पहिल्या टी-२० सामन्यात पाकिस्तानला २९ धावांनी लाजिरवाणा पराभव पत्करावा लागला. या टी-२० सामन्यात ऑस्ट्रेलियाने ७ षटकांत ९३ धावा करत पाकिस्तानच्या गोलंदाजांची धुलाई केली. तर नंतर कांगारू गोलंदाजांनी पाकिस्तानच्या फलंदाजांचा धुव्वा उडवत दणदणीत विजय मिळवला.
पाकिस्तानी संघाने एकदिवसीय मालिका २-१ ने जिंकली असताना तीन सामन्यांच्या टी-२० मालिकेत त्यांची सुरुवात अतिशय लाजिरवाणी झाली. या मालिकेतील पहिला सामना ब्रिस्बेनच्या गाबा मैदानावर खेळला गेला तो पावसामुळे विस्कळीत झाला, त्यामुळे सामना खूप उशिरा सुरू झाला आणि तो ७-७ षटकांचा खेळवण्यात आला. या सामन्यात यजमान ऑस्ट्रेलियाने प्रथम फलंदाजी करताना ७ षटकांत ४ गडी गमावून ९३ धावा केल्या. या लक्ष्याचा पाठलाग करताना पाकिस्तानी संघ ७ षटकात ९ गडी गमावून केवळ ६४ धावाच करू शकला आणि त्यांना या सामन्यात २९ धावांनी पराभवाला सामोरे जावे लागले.
हेही वाचा – IND vs SA: तिलक वर्माने शतकानंतर कोणाला फ्लाईंग किस दिला? सामन्यानंतर स्वत:च सांगितलं…
पाकिस्तानचा नवा कर्णधार मोहम्मद रिझवानच्या नेतृत्त्वाखाली ही संघ टी-२० मध्ये फार काही चांगली कामगिरी करू शकला नाही. या सामन्यात पाकिस्तानी संघ ९४ धावांच्या लक्ष्याचा पाठलाग करण्यासाठी उतरला, तेव्हा अवघ्या १६ धावांत ५ विकेट गमावल्या होत्या. पाकिस्तानने पहिल्यांदाच एवढ्या कमी धावसंख्येवर ५ विकेट्स गमावले होते. कर्णधार मोहम्मद रिझवान खातेही उघडू शकला नाही, तर संघाचा सर्वात अनुभवी खेळाडू बाबर आझम ३ धावा करत बाद झाला.
Australia come out on top after the seven-over shootout! #AUSvPAK pic.twitter.com/88hjkdEtA3
— cricket.com.au (@cricketcomau) November 14, 2024
पाकिस्तान संघाने ५ विकेट इतक्या झटपट गमावलेल्या टी-२० क्रिकेटच्या इतिहासातील ही सर्वात कमी धावसंख्या आहे आणि ऑस्ट्रेलियाविरुद्ध, टी-२० आंतरराष्ट्रीय सामन्यात प्रथमच एका संघाने आपला निम्मा संघ केवळ १६ धावांवर गमावला. या सामन्यात ऑस्ट्रेलियाच्या गोलंदाजांनी तर कहरच केला. गोलंदाजीत झेवियर बार्टलेट आणि नॅथन एलिस यांची भेदक गोलंदाजी पाहायला मिळाली, ज्यात दोघांनी प्रत्येकी ३ विकेट घेतले. याशिवाय ॲडम झाम्पाने २ तर स्पेन्सर जॉन्सनलाही एक विकेट घेण्यात यश आले.
'This is why people pay a lot of money to watch this guy bat' #AUSvPAK pic.twitter.com/Zwab5Pnw3j
— cricket.com.au (@cricketcomau) November 14, 2024
ऑस्ट्रेलियाकडून फलंदाजीत तर मॅक्सवेलने कहर केला. मॅक्सवेलने १९ चेंडूत ३ षटकार आणि ५ चौकारांच्या मदतीने ४३ धावा केल्या. तर त्याच्या जोडीला मार्कस स्टॉयनिसे ७ चेंडूत १ षटकार आणि २ चौकाराच्या मदतीने २१ धावा केल्या.
