अ‍ॅशेस कसोटी क्रिकेट मालिका
एपी, अ‍ॅडलेड
मिचेल स्टार्कच्या (४/३७) भेदक गोलंदाजीच्या बळावर ऑस्ट्रेलियाने दुसऱ्या अ‍ॅशेस कसोटी क्रिकेट सामन्यात इंग्लंडचा पहिला डाव २३६ धावांत गुंडाळला. प्रकाशझोतातील कसोटीत ५० बळी घेणारा स्टार्क हा पहिला गोलंदाज ठरला. अ‍ॅडलेड येथे सुरू असलेल्या या कसोटीच्या तिसऱ्या दिवसअखेर ऑस्ट्रेलियाने दुसऱ्या डावात १ बाद ४५ धावा केल्या असून त्यांच्याकडे एकूण २८२ धावांची आघाडी आहे.
कर्णधार जो रूट (६२) आणि डेविड मलान (८०) यांनी तिसऱ्या गडय़ासाठी १३८ धावांची भागीदारी रचली. परंतु कॅमेरून ग्रीनने रूटला आणि स्टार्कने मलानला बाद केल्यावर इंग्लंडचा डाव घसरला.
