टी-२० मालिकेसाठी भारतीय संघाची घोषणा, अजिंक्य रहाणेला वगळलं

वन-डे सामन्यांच्या मालिकेत ४-१ असा विजय मिळवल्यानंतर भारत ऑस्ट्रेलियाविरुद्ध होणाऱ्या टी-२० मालिकेसाठी सज्ज झाला आहे. भारत आणि ऑस्ट्रेलिया यांच्यात ३ टी-२० सामन्यांची मालिका खेळवली जाणार आहे. बीसीसीआयच्या निवड समितीने काल रात्री उशीरा भारतीय संघाची घोषणा केली. टी-२० मालिकेसाठी या संघात काही महत्वाचे बदल करण्यात आले आहेत. वन-डे मालिकेत सलग चार सामन्यांमध्ये अर्धशतकी खेळी करणाऱ्या अजिंक्य रहाणेला वगळण्यात आलं आहे. त्याच्या जागेवर शिखर धवनने परत संघात स्थान मिळवलं आहे.