AUS vs SA Semi-Final: फायनलमध्ये ऑस्ट्रेलिया भिडणार टीम इंडियाशी! कांगारूंनी दक्षिण आफ्रिकेचा तीन गडी राखून केला पराभव

ऑस्ट्रेलियाची सातवी विकेट १९३ धावांवर पडली. जोश इंग्लिश ४९ चेंडूत २८ धावा करून बाद झाला. त्याला जेराल्ड कोएत्झीने बोल्ड केले. आफ्रिकेला अजूनही सामना जिंकण्याची संधी आहे. आता स्टार्क आणि कमिन्स क्रीजवर आहेत.

ऑस्ट्रेलिया १९३-७

ऑस्ट्रेलियाच्या धावसंख्येने पाच विकेट गमावून १७० धावा केल्या आहेत. स्टीव्ह स्मिथ आणि जोश इंग्लिश यांनी डावाची धुरा सांभाळली आहे. हे दोघेही आपल्या संघाला विजय मिळवून देण्याचा प्रयत्न करतील.

ऑस्ट्रेलिया १७१-५

ऑस्ट्रेलियाची चौथी विकेट १३३ धावांवर पडली. तबरेझ शम्सीने मार्नस लाबुशेनला बाद केले. लाबुशेनने ३१ चेंडूत १८ धावा केल्या. शम्सीने त्याला स्टंपसमोर पायचीत केले. आता ऑस्ट्रेलियन संघ अडचणीत येऊ शकतो.

ऑस्ट्रेलिया १३३-४

ऑस्ट्रेलियन संघाची दुसरी विकेट ६१ धावांवर पडली. मिचेल मार्श खाते न उघडताच बाद झाला. कागिसो रबाडाच्या चेंडूवर डुसेनने अप्रतिम झेल घेतला. आता स्टीव्ह स्मिथ ट्रॅव्हिस हेडसह क्रीजवर आहे. नऊ षटकांनंतर ऑस्ट्रेलियाची धावसंख्या ६८/२ आहे.

ऑस्ट्रेलिया ६८-२

डेव्हिड मिलरच्या शानदार शतकाच्या जोरावर दक्षिण आफ्रिकेने ऑस्ट्रेलियासमोर २१३ धावांचे आव्हान ठेवले आहे. त्याने ११६ चेंडूत १०१ धावा करत संघाचा डाव सावरला. दक्षिण आफ्रिका संकटात असताना मिलर संकटमोचक म्हणून संघाच्या मदतीसाठी धावून आला आणि त्याने झुंजार शतक झळकावले. त्यामुळे भारताविरुद्ध ते रविवारी सामना खेळतील का, हे येणाऱ्या काही तासात कळेल.

दक्षिण आफ्रिका सर्वबाद २१२

https://twitter.com/ProteasMenCSA/status/1725134065647452610

दक्षिण आफ्रिकन संघांचे विकेट्स पडण्याचे सत्र सुरूच आहे. केशव महाराजने खराब फटका खेळून संघाला अडचणीत आणले आहे. त्याने ८ चेंडूत २ धावा केल्या असून तो स्टीव्ह स्मिथकरवी झेलबाद झाला. त्याला मिचेल स्टार्कने बाद केले. डेव्हिड मिलर त्याच्या शतकानजीक पोहचला असून अजूनही तो खेळपट्टीवर टिकून आहे.

दक्षिण आफ्रिका १९१-८

दक्षिण आफ्रिकेच्या धावसंख्येने सहा गडी गमावून १५० धावा केल्या आहेत. जेराल्ड कोएत्झी आणि डेव्हिड मिलर यांची चांगली भागीदारी आहे. आता दक्षिण आफ्रिकेला २०० हून अधिक धावा करण्याची संधी आहे. मात्र, यासाठी मिलरला मोठी खेळी खेळावी लागणार आहे.

दक्षिण आफ्रिका १६३-६

दक्षिण आफ्रिकेने ११९ धावांवर सहा विकेट्स गमावल्या आहेत. मार्को जॅनसेन खाते न उघडताच बाद झाला. पहिल्याच चेंडूवर ट्रॅव्हिस हेडने त्याला विकेट्ससमोर पायचीत केले. आता जेराल्ड कोएत्झी डेव्हिड मिलरसोबत क्रीजवर आहे.

दक्षिण आफ्रिका ११९-६

दक्षिण आफ्रिकेच्या धावसंख्येने चार विकेट्स गमावून ६० धावा केल्या आहेत. डेव्हिड मिलर आणि क्लासेन यांच्यात चांगली अर्धशतकी भागीदारी झाली आहे. या जोडीला मोठी भागीदारी करून आपल्या संघाला चांगल्या धावसंख्येपर्यंत नेण्याची गरज आहे.

दक्षिण आफ्रिका ८१-४

रॅसी व्हॅन डर डुसेन ३१ चेंडूत सहा धावा करून बाद झाला. जोश हेझलवूडने त्याला स्टीव्ह स्मिथकरवी झेलबाद केले. आता हेन्रिक क्लासेन आणि डेव्हिड मिलर क्रीजवर आहेत. या दोघांना मोठी भागीदारी करत संघाला पुढे घेऊन जाण्याची गरज आहे. १२ षटकांनंतर दक्षिण आफ्रिकेची धावसंख्या २४/४ आहे.

दक्षिण आफ्रिका ३२-४

सेमीफायनल सामन्यात दक्षिण आफ्रिकेची खराब सुरुवात झाली आहे. कर्णधार टेम्बा बावुमा पाठोपाठ क्विंटन डी कॉक बाद झाला आहे. जोश हेझलवूडने त्याला पॅट कमिन्सकरवी झेलबाद केले. त्याने १४ चेंडूत केवळ ३ धावा केल्या.

दक्षिण आफ्रिका ८-२

पहिल्याच षटकात दक्षिण आफ्रिकेला मोठा धक्का बसला. मिचेल स्टार्कने कर्णधार टेम्बा बावुमाला यष्टिरक्षक जोश इंग्लिसकडे झेलबाद केले. बावुमा यांना खातेही उघडता आले नाही. एका षटकानंतर दक्षिण आफ्रिकेची धावसंख्या एका विकेटवर एक धाव आहे. सध्या क्विंटन डी कॉक आणि रॅसी व्हॅन डर ड्युसेन क्रीजवर आहेत.

दक्षिण आफ्रिका ४-१

दक्षिण आफ्रिकेचा कर्णधार टेम्बा बावुमाने नाणेफेक जिंकून प्रथम फलंदाजी करण्याचा निर्णय घेतला. बावुमाने प्लेइंग-११ मध्ये एक बदल केला आहे. लुंगी एनगिडीच्या जागी तबरेज शम्सीचा प्लेइंग-११ मध्ये समावेश करण्यात आला आहे. त्याचबरोबर ऑस्ट्रेलियाचा कर्णधार पॅट कमिन्सने दोन बदल केले आहेत. मार्कस स्टॉइनिस आणि शॉन अ‍ॅबॉट यांना वगळण्यात आले आहे. त्यांच्या जागी मिचेल स्टार्क आणि ग्लेन मॅक्सवेलचे पुनरागमन झाले आहे. गेल्या सामन्यात या दोघांनाही विश्रांती देण्यात आली होती.

वास्तविक, आयसीसी एकदिवसीय विश्वचषक २०२३चा दुसरा उपांत्य सामना कोलकाता येथील ईडन गार्डन्स स्टेडियमवर खेळवला जाईल. या सामन्यावर पावसाचे सावट आहे. गुरुवारी कोलकात्यात पावसाची ५० टक्के शक्यता आहे. तापमान २३ ते २६ अंशांच्या दरम्यान राहू शकते. अशा परिस्थितीत जर पाऊस पडला तर काळजी करण्याची गरज नाही, उपांत्य फेरीच्या सामन्यासाठी राखीव दिवस ठेवण्यात आला आहे.