Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

सामन्यात मॅक्सवेलने केली अष्टपैलू कामगिरी

Video : सीमारेषेवर मॅक्सवेलने हवेतच पकडला झेल

आॅस्ट्रेलिया विरुद्ध दक्षिण आफ्रिका यांच्यात झालेल्या एकमेव टी२० सामन्यात ऑस्ट्रेलियाला पराभवाचा सामना करवा लागला. दक्षिण आफ्रिकेने ऑस्ट्रेलियावर २१ धावांनी विजय मिळवला. पावसाच्या व्यत्ययामुळे हा सामना दहा षटकांचा खेळवण्यात आला होता. ऑस्ट्रेलिया संघाने नाणेफेक जिंकून प्रथम गोलंदाजीचा निर्णय घेतला होता. दक्षिण आफ्रिकेने प्रथम फलंदाजी करताना १० षटकात ६ बाद १०८ धावा केल्या. विजयासाठी १०९ धावांचा पाठलाग करताना ऑस्ट्रेलियाचा संघ १० षटकात ८७ धावापर्यंत मजल करू शकला. त्यामुळे त्यांना २१ धावांनी पराभवाला सामोरे जावे लागले.

या सामन्यात सर्वात जास्त चर्चा झाली ती फाफ डुप्लेसीला बाद करताना मॅक्सवेलने घेतलेल्या झेलाची. ग्लेन मॅक्सवेलने सीमारेषेवर फाफचा अफलातून झेल टिपला. या सामन्यात आॅस्ट्रेलियाच्या ग्लेन मॅक्सवेलने केलेली अष्टपैलू कामगिरी केली. मात्र त्याची कामगिरी ऑस्ट्रेलियायाला सामना जिंकवून देऊ शकली नाही.

What a catch from Glenn Maxwell #AUSvSA pic.twitter.com/RwoRZLJtlD
— Sixes and Wickets (@SixesANDwickets) November 17, 2018

दरम्यान, दक्षिण आफ्रिकेकडून डिकॉकने २२, कर्णधार ड्यु प्लेसीस २७ धावांची खेळी केली. ऑस्ट्रेलियाकडून मॅक्सवेलने एक, अँड्रू टाय, नॅथन कूल्टर नाईल यांनी प्रत्येकी दोन-दोन बळी टिपले. ऑस्ट्रेलियाचा संघ ८७ धावांपर्यत मजल मारू शकला. ऑस्ट्रेलियाकडून मॅक्सवेलने ३८ धावांची खेळी केली. मॅक्सवेल वगळता इतर फलंदाजाला आपल्या लौकिकास साजेशी खेळी करता आली नाही.

First published on: 19-11-2018 at 17:16 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Australian cricketer glenn maxwell took superb catch on the boundary line

Video : सीमारेषेवर मॅक्सवेलने हवेतच पकडला झेल

सामन्यात मॅक्सवेलने केली अष्टपैलू कामगिरी