मर्सिडीझचे ड्रायव्हर लुइस हॅमिल्टन आणि निको रोसबर्ग यांनी ऑस्ट्रेलियन ग्रां. प्रि. फॉम्र्युला-वन शर्यतीच्या पहिल्या दोन सराव शर्यतींवर वर्चस्व गाजवत मुख्य शर्यतीसाठी सज्ज असल्याचे दाखवून दिले. पहिल्या सत्रात तांत्रिक अडचणींना सामोरे जावे लागल्यानंतरही हॅमिल्टनने आपला जर्मनीचा सहकारी रोसबर्गला मागे टाकत अव्वल स्थान पटकावले होते.
हॅमिल्टनने मऊ रबराचे टायर वापरत १ मिनिट २९.६२५ सेकंद अशी वेळ नोंदवली. रोसबर्गने १ मिनिट २९.७८२ सेकंदांसह दुसरा क्रमांक पटकावला. मर्सिडीझचे ड्रायव्हर वगळता कुणालाही १ मिनिट ३० सेकंदांखाली कामगिरी नोंदवता आली नाही. फेरारीच्या फर्नाडो अलोन्सोला १.३०.१३२ सेकंदांसह तिसऱ्या क्रमांकावर समाधान मानावे लागले. चार वेळा विश्वविजेता ठरलेला रेड बुलचा सेबॅस्टियन वेटेल १.३०.३८१ सेकंदांसह चौथा आला. मॅकलॅरेनचा माजी विश्वविजेता ड्रायव्हर जेन्सन बटनने पाचवे स्थान प्राप्त केले. रेड बुलचा डॅनियल रिकार्डियो सहावा, तर फेरारीचा किमी रायकोनेन सातवा आला. सहारा फोर्स इंडियाचा ड्रायव्हर निको हल्केनबर्गने अव्वल १० जणांमध्ये स्थान मिळवले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
