मिस्टर ३६० हा एकच! “सूर्यकुमारची स्टाईल मारायला गेला आणि…!” ऑस्ट्रेलियाच्या ‘या’ फलंदाजाच्या शॉटचा Video व्हायरल

टी२० च्या झटपट क्रिकेटमध्ये कमीत कमी चेंडूत जास्तीत जास्त धावा वसुल करण्यासाठी फलंदाज वेगवेगळे शॉर्ट्स खेळताना दिसतात. सध्या सूर्यकुमार यादव याचं मोठं उदाहरण म्हणता येईल. स्टेडियमच्या कोणत्याही कोपऱ्यात चेंडू टोलवण्याचा हातखंडा सूर्यकुमारच्या फलंदाजीत आहे. अगदी यष्टीरक्षकाच्या डोक्यावरुनही सूर्यकुमारला शॉट्स खेळताना आपण पाहिलं आहे. रिव्हर्स शॉट असो किंवा मग खेळपट्टीवर बसून थेट षटकार ठोकण्याची हटके बॅटिंग सूर्यकुमार असे आगळेवेगळे शॉर्ट्स सहजतेनं खेळताना दिसतो. ‘द-स्काय’ मिस्टर ३६० ची नक्कल करायला गेला आणि जखमी झाला.

३६० डीग्री प्लेअर सूर्यकुमार यादवची नक्कल करायला गेला

उस्मान ख्वाजा ब्रिस्बेन हीटसाठी सलामीला उतरला. डावाच्या चौथ्या षटकात त्याने स्कूप शॉट खेळण्याचा प्रयत्न केला पण चेंडू त्याच्या बॅटला लागला नाही. ख्वाजा स्कूप खेळत असताना त्याच्या हेल्मेटवरील चेंडू खाल्ला. उस्मान ख्वाजाने जेसन बेहरेनडॉर्फचा वाइड बॉल स्कूप करण्याचा प्रयत्न केला. सूर्यकुमारच्या अशाच एका आगळ्यावेगळ्या फटक्याची कॉपी करण्याचा ऑस्ट्रेलियाच्या फलंदाजानं प्रयत्न केला खरा पण जसा आपला ‘सुर्या’ खेळतो ते काही साधंसोपं काम नाही. ऑस्ट्रेलियाचा सलामीवीर उस्मान ख्वाजा ‘बिग बॅश’ लीगमधील सामन्यात डिट्टो सूर्यकुमारच्या फलंदाजीची कॉपी करायला गेला आणि फसला. वेगवान चेंडू उस्मानच्या थेट हेल्मेटवर आदळला. सुदैवानं उस्मानला कोणतीही दुखापत झाली नाही. पण गॅप शोधून काढण्यासाठी धोका पत्करणारे शॉर्ट्स खेळणं काही सोपं काम नाही. त्यासाठीही नेट्समध्ये वेगळा सराव करावा लागतो.

स्कूप शॉट हे जोखमीचे काम आहे

उस्मान ख्वाजाने स्कूप शॉट खेळण्याचा प्रयत्न केला पण ते इतके सोपे काम नाही. सूर्यकुमार हे शॉट्स इतक्या सहजपणे खेळत नाहीत. भारतीय क्रिकेटपटूने सांगितले की तो नेटमध्ये या शॉट्सचा सराव करतो आणि त्यामुळेच तो सामन्यात यशस्वी होतो. दुसरीकडे, ख्वाजा हे पारंपारिक क्रिकेट शॉट्स खेळण्यासाठी ओळखले जातात, कदाचित म्हणूनच तो स्कूप खेळताना चुकला.