Ayush Mhatre : १० चेंडूंत ४८ धावा अन् झंझावाती अर्धशतक; करोडपती वैभव सूर्यवंशी नव्हे, तर ‘हा’ खेळाडू आहे अंडर-१९ चा खरा हिरो

१७ वर्षीय आयुष म्हात्रेने केली कमाल –

मुंबईच्या १७ वर्षीय आयुष म्हात्रेने जपानविरुद्ध टीम इंडियाला शानदार सुरुवात करून दिली. तो ड्रेसिंग रूममधूनच सेट होऊन आल्यासारखे वाटत होते. त्याने येताच चौकार-षटकारांची बरसात करण्यास सुरुवात केली. आयुष म्हात्रेने २९ चेंडूंचा सामना करताना १८६.२१ च्या तुफानी स्ट्राईक रेटने फलंदाजी करताना जपानविरुद्ध ५४ धावा केल्या. या खेळीत त्याने ६ चौकार आणि ४ षटकारही मारले. अशा प्रकारे आयुषने अवघ्या १० चेंडूत ४८ धावा केल्या होत्या. म्हात्रेने पाकिस्तानविरुद्धही चांगली सुरुवात करुन दिली होती. पण त्याचे मोठ्या डावात रूपांतर करू शकला नाही आणि केवळ २० धावा करून तो बाद झाला होता.

आणखी वाचा

Jasprit Bumrah : तबरेझ शम्सीच्या पोस्टने क्रिकेट विश्वाला दिला आश्चर्याचा धक्का! जसप्रीत बुमराहबरोबर घडला असा योगायोग की विश्वासच बसणार नाही

Eknath Shinde : तुम्ही गृहखातं, विधानसभा अध्यक्षपद मागितलं…

आयुष्मान खुरानाचा ताहिराबरोबर झाला होता ब्रेकअप; ‘हे’ होते कारण, अभिनेत्याने स्वत:चं केला खुलासा

Shreyas Iyer: श्रेयस अय्यरच्या खांद्यावर ‘या’ संघाने कर्णधारपदाची दिली जबाबदारी! अजिंक्य रहाणेही अय्यरच्या नेतृत्त्वाखाली खेळणार

IPL 2025 Auction: कोण आहे वैभव सूर्यवंशी? आयपीएल लिलावात उतरणार फक्त १३ वर्षांचा भारतीय खेळाडू, ऑस्ट्रेलियाविरूद्ध झळकावलंय जलद शतक

विश्लेषण : माजी जगज्जेता माइक टायसन यू-ट्यूब इन्फ्लुएन्सरकरडून पराभूत! लढत खरी होती की लुटुपुटूची? फायदा नेटफ्लिक्सचाच?

Mohammed Shami Age Fraud: मोहम्मद शमीनं खरं वय लपवलं? फसवणूक केल्याचे जाहीर आरोप; BCCI कडे केली तपासाची मागणी!

भारताच्या डावाची सलामी देण्यासाठी वैभव सूर्यवंशी आणि आयुष म्हात्रे आले होते. या दोघांनी पहिल्या विकेटसाठी ६४ धावांची भागीदारी केली. आयपीएल २०२५ मेगा लिलावात राजस्थान रॉयल्सने १.१० कोटी रुपयांना विकत घेतलेला वैभव सूर्यवंशी पुन्हा एकदा आपली छाप सोडू शकला नाही. १३ वर्षीय सूर्यवंशी अवघ्या २३ धावा करून बाद झाला. वैभवने पाकिस्तानविरुद्ध केवळ १ धाव केली होती. मात्र, त्याचा जोडीदार आयुष म्हात्रेने आपल्या तुफानी फलंदाजीने सर्वांना प्रभावित केले. आरआरने वैभवला विकत घेतल्यापासून सर्वांच्या नजरा त्याच्यावर खिळल्या आहेत. मात्र, आयपीएलमध्ये विकल्या गेल्यानंतर सूर्यवंशी काही मोठी कामगिरी करू शकलेला नाही.

हेही वाचा – Shoaib Akhtar : ‘भारताला भारतात हरवूनच या…’, चॅम्पियन्स ट्रॉफीच्या वादानंतर शोएब अख्तरचा पाकिस्तानला सल्ला

रणजी ट्रॉफीमध्ये आयुष म्हात्रेने झळकावलंय शतक –

आयुष म्हात्रेने नुकतेच रणजी ट्रॉफीतील पहिले शतक झळकावले होते. महाराष्ट्राविरुद्ध त्याने हा पराक्रम केला होता. आयुषने आपल्या प्रथम श्रेणी करिअरमध्ये आतापर्यंत एकूण ६ सामने खेळले आहेत, ज्यामध्ये त्याने ११ डावांमध्ये ४०.०९ च्या सरासरीने ४४१ धावा केल्या आहेत. प्रथम श्रेणी क्रिकेटमध्ये म्हात्रेच्या नावावर दोन शतके आणि एक अर्धशतक आहे.