Bangladesh vs England 4th T20I Match: बांगलादेश आणि इंग्लंड यांच्यात खेळल्या गेलेल्या टी-२० आंतरराष्ट्रीय मालिकेत एक चमत्कार घडला आहे. यजमान बांगलादेशने तीन सामन्यांच्या टी-२० मालिकेत विश्वविजेत्या इंग्लंड क्रिकेट संघाचा ३-० असा पराभव करून इतिहास रचला आहे. बांगलादेशने आपल्या क्रिकेट इतिहासात प्रथमच हा पराक्रम केला आहे. मीरपूर येथे झालेल्या तिसर्‍या टी-२० मध्ये बांगलादेशने इंग्लंडचा १६ धावांनी पराभव करत क्लीन स्वीप केला.

मंगळवारी झालेल्या तिसऱ्या टी-२० सामन्यात बांगलादेशने प्रथम फलंदाजी करताना, लिटन दासच्या ७३ धावा आणि नजमुल शांतोच्या ४७ धावांच्या जोरावर २० षटकात २ गडी गमावून १५८ धावा केल्या. यादरम्यान इंग्लंड क्रिकेट संघासाठी सात खेळाडूंनी गोलंदाजी केली. परंतु केवळ आदिल रशीद आणि ख्रिस जॉर्डन यांना १-१ विकेट मिळाली.

आणखी वाचा
Sanju Samson broke Yusuf Pathan's 15-year-old record
IND vs SA : संजू सॅमसनने सलग दोन शतकांनंतर केला नकोसा विक्रम, ‘या’ बाबतीत युसूफ-रोहितला टाकले मागे
Sushma Andhare mimicry
Sushma Andhare : “माझी प्रिय भावजय” म्हणत सुषमा…
AUS vs PAK Pakistan won the ODI series in Australia after 22 years
AUS vs PAK : पाकिस्तानने २२ वर्षांनी नोंदवला ऐतिहासिक विजय, भारताला मागे टाकत ‘हा’ खास पराक्रम करणारा ठरला पहिला आशियाई संघ
IND vs SA Ryan Rickelton's 104 Metre Six man ran away with ball video viral
IND vs SA सामन्यात रायन रिकेल्टनने हार्दिक पंड्याला षटकार मारताच प्रेक्षकाने केलं असं काही की… VIDEO होतोय व्हायरल
India vs South Africa 2nd T20 Highlights in Marathi
IND vs SA 2nd T20I Highlights : रोमांचक सामन्यात यजमानांनी हिरावला भारताच्या तोंडचा घास, ट्रिस्टन स्टब्सच्या वादळी खेळीने फेरले वरुण चक्रवर्तीच्या मेहनतीवर पाणी
Ritika Sajdeh salutes Aaron Finch for defending husband Rohit Sharma after Sunil Gavaskar comment
Ritika Sajdeh : सुनील गावस्करांच्या वक्तव्यावर रोहितच्या बायकोची जबरदस्त प्रतिक्रिया, सोशल मीडियावर चाहत्यांचे वेधलं लक्ष
AUS vs PAK Pakistan beat Australia by 8 wickets in the third ODI match
AUS vs PAK : पाकिस्तानने २२ वर्षांनंतर ऑस्ट्रेलियात फडकावला झेंडा, वर्ल्ड चॅम्पियन संघाला घरच्या मैदानावर पाजलं पाणी
harris rauf celebrating wicket of glen maxwell
Pak vs Aus: भारताविरूद्धची तयारी पडली कांगारुंना भारी; पाकिस्तानने उडवला १४० धावात खुर्दा

प्रत्युत्तरात इंग्लंड संघाचा सलामीवीर डेव्हिड मलानने ५३ धावांची खेळी खेळून संघाला चांगली सुरुवात करून दिली. पण फिल सॉल्ट भोपळाही न फोडता बाद झाला. त्याचवेळी जोस बटलरने ३१ चेंडूत ४० धावांची खेळी करत संघाच्या आशा जिवंत ठेवल्या. पण तस्किन अहमदच्या किफायतशीर गोलंदाजीनंतर मुस्तफिझूर आणि शाकीबने इंग्लंडला २० षटकांत ६ बाद १४२ धावांवर रोखलं. त्यामुळे इंग्लंडला १६ धावांनी पराभव पत्कारावा लागला.

हेही वाचा – Team India: सुनील गावसकरांची मोठी भविष्यवाणी; २०२३ च्या विश्वचषकानंतर ‘हा’ खेळाडू भारताचा कर्णधार होऊ शकतो

बांगलादेशकडून तस्किन अहमदने सर्वाधिक २ विकेट घेतल्या, तर तन्वीर इस्लाम, शाकिब अल हसन आणि मुस्तफिजुर रहमान यांनी १-१ विकेट घेतली. यासह बांगलादेशने तीन सामन्यांची टी-२० मालिका ३-० ने जिंकली. यापूर्वी, बांगलादेशने मालिकेतील पहिला सामना ६ गडी राखून जिंकला होता, त्यानंतर दुसरा सामना ४ विकेटने जिंकला होता. आता अंतिम टी-२० सामना १६ धावांनी जिंकून क्रिकेट विश्वाला चकित केले आहे.
नजमुल हुसेन शांतोला त्याच्या शानदार कामगिरीसाठी मालिकावीर पुरस्कार देण्यात आला. त्याचबरोबर आजच्या सामन्यासाठी लिटन दासला सामनावीर पुरस्कार देण्यात आला.

बांगलादेश:लिटन दास (विकेटकीपर), रॉनी तालुकदार, नजमुल हुसेन शांतो, तौहीद हृदयॉय, शमीम हुसैन, मेहदी हसन मिराझ, शाकिब अल हसन (कर्णधार), तन्वीर इस्लाम, तस्किन अहमद, मुस्तफिजुर रहमान, हसन महमूद

इंग्लंड: फिलिप सॉल्ट, डेविड मलान, जोस बटलर (कर्णधार), बेन डकेट, मोईन अली, सॅम कुरान, ख्रिस वोक्स, ख्रिस जॉर्डन, आदिल रशीद, रेहान अहमद आणि जोफ्रा आर्चर</p>