बायर लेव्हरकूसेन संघाचा विक्रम

ग्रानिट झाका आणि रॉबर्ट अँड्रिच यांनी केलेल्या गोलच्या जोरावर बायर लेव्हरकूसेन संघाने जर्मनीतील बुंडेसलिगा फुटबॉल स्पर्धेत माइन्झ संघाचा २-१ असा पराभव केला. या विजयासह लेव्हरकूसेनने जर्मन क्लब संघासाठी सर्वाधिक सामने अपराजित राहण्याचा विक्रमही आपल्या नावे केला. सर्व स्पर्धात मिळून लेव्हरकूसेन संघ ३३ सामन्यांत अपराजित आहे. 

आणखी वाचा

D Gukesh Prize Money: करोडपती झाला विश्विविजेता गुकेश, जागतिक बुद्धिबळ स्पर्धा जिंकल्यानंतर किती मिळाली बक्षिसाची रक्कम?

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

विधानसभा निवडणुकीनंतर भाजपची महापालिकेची तयारी, महाविकास आघाडीची पराभूत मानसिकता मात्र कायम

गुकेशच्या नवचैतन्याची कसोटी!

म्हणूनच लोकसत्ता लोकांकिका इतर स्पर्धांपेक्षा खूप आगळीवेगळी ठरते; स्पर्धेत सहभागी झालेल्या विद्यार्थ्यांच्या प्रतिक्रिया

भाजपचे मताधिक्य गुणवत्तेवर नसून चोरी करून, माजी खासदार विनायक राऊत यांची टीका

मॅरेथॉन घेण्याची ताकद आहे का? राजकारण करणार्‍या भाजपला हितेंद्र ठाकूरांचा सवाल

भारतीय महिला संघाची पुन्हा हाराकिरी ; दुसऱ्या सामन्यात ऑस्ट्रेलियाची सर्वोच्च धावसंख्येसह सरशी

स्पेनचा माजी मध्यरक्षक झाबी अलोन्सोच्या मार्गदर्शनाखाली लेव्हरकूसेन संघाने उत्कृष्ट कामगिरी केली आहे. यंदाच्या हंगामात त्यांनी एकही सामने गमावलेला नाही. तसेच आपल्या आक्रमक खेळानेही त्यांनी फुटबॉलरसिक आणि जाणकारांना प्रभावित केले आहे. लेव्हरकूसेनचा संघ बुंडेसलिगामध्ये ६१ गुणांसह अग्रस्थानावर आहे. त्यांनी २३ पैकी १९ सामन्यांत विजय मिळवले असून चार सामने बरोबरीत राखले आहेत. लेव्हरकूसेनने या महिन्याच्या सुरुवातीला बलाढय़ बायर्न म्युनिकवर ३-० असा विजय मिळवला होता. त्यामुळे लेव्हरकूसेनला प्रथमच बुंडेसलिगा जिंकण्याची संधी निर्माण झाली आहे.