बिग बॅश लीग २०२२-२३ मध्ये शनिवारी मेलबर्न स्टार्स आणि मेलबर्न रेनेगेड्स यांच्यात सामना खेळला गेला. या सामन्यात मेलबर्न रेनेगेड्सने ६ धावांनी विजय मिळवला. या सामन्यादरम्यान, कोणालाही आश्चर्य वाटेल असे एक घटना घडली. ज्याचा व्हिडीओ सोशल मीडियावर व्हायरल होत आहे. या सामन्यात दोनदा असे घडले की जेव्हा चेंडू ३०-यार्ड रेषा ओलांडू शकला नाही, परंतु अंपायरने फलंदाजाला षटकार दिला.
डॉकलँड्स स्टेडियमवर हा सामना झाला. हे इनडोअर स्टेडियम आहे. म्हणजेच, ज्याचे छत वरून झाकलेले आहे. त्यामुळे येथे छतावर आदळणाऱ्या चेंडूला षटकार म्हणून घोषित केले जाते. मेलबर्न स्टार्स आणि मेलबर्न रेनेगेड्स यांच्यातील सामन्यात असे दोनदा घडले. केवळ मेलबर्न स्टार्सच्या फलंदाजांनी चेंडू छतावर मारण्याचा कारनामा केला.
मेलबर्न स्टार्सच्या डावात असे दोनदा घडले –
मेलबर्न स्टार्सच्या डावाच्या तिसऱ्या षटकात, यष्टिरक्षक जो क्लार्कने मेलबर्न रेनेगेड्सचा वेगवान गोलंदाज विल सदरलँडचा चेंडू स्टेडियमच्या छतावर मारला. चेंडू तीस यार्डच्या आतमध्ये पडला, पण अंपायरने त्याला षटकार दिला. त्यानंतर डावाच्या १६व्या षटकात हे दुसऱ्यांदा घडले, जेव्हा ब्यू वेबस्टरने टॉम रॉजर्सचा चेंडू छतावर मारला. तो ही चेंडू तीस यार्डच्या जवळ असतानाही त्याला षटकार दिला.
नियम कधी बदलण्यात आला –
आधी चेंडू छताला लागला, तर त्याला डेड बॉल दिला जायचा. तसेच स्पायडर कॅमवर चेंडू आदळल्यानंतरही तो डेड बॉल जायचा. मात्र, दुसऱ्या सत्रानंतर हा नियम बदलण्यात आला. जेव्हा रेनेगेड्सचा कर्णधार अॅरॉन फिंचचा चेंडू छतावर आदळला. यानंतर चेंडू छताला लागल्यावर षटकार दिला जातो.
जगातील एकमेव इनडोअर क्रिकेट स्टेडियम –
मेलबर्नमधील उष्णतेमुळे बिग बॅश लीगच्या आयोजकांनी महत्त्वाच्या सामन्यांसाठी टेरेस बंद करण्याचा निर्णय घेतला. मेलबर्नमधील डॉकलँड्स स्टेडियम हे जगातील एकमेव इनडोअर क्रिकेट स्टेडियम आहे. सामन्याबद्दल बोलायचे झाले तर, मेलबर्न स्टार्सने नाणेफेक जिंकून प्रथम गोलंदाजी करण्याचा निर्णय घेतला. त्यांच्या गोलंदाजांनी चांगली कामगिरी करत मेलबर्न रेनेगेड्सला १६२ धावांपर्यंत रोखले. १६३ धावांच्या लक्ष्याला प्रत्युत्तर देताना मेलबर्न स्टार्स संघ २० षटकांत ७ गडी गमावून १५६ धावाच करू शकला.
