Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

तो मैदानात आला आणि त्याने थेट आपला बाबा शेन वॉटसन याच्याकडे धाव घेतली

Video : सामना सुरु असताना वॉटसनचा मुलगा मैदानात आला आणि…

ऑस्ट्रेलियाचा माजी स्फोटक फलंदाज शेन वॉटसन हा आपल्या मैदानावरील फटकेबाजसाठी कायम चर्चेत असतो. सलामीवीर म्हणून मैदानात येऊन गोलंदाजांचा समाचार घेणारा म्हणून त्याची आजही ख्याती आहे. सध्या तो बिग बॅश लीग या स्पर्धेत खेळत आहे. या स्पर्धेत वॉटसन सिडनी थंडर्स या संघाकडून खेळत आहे. या स्पर्धेत तो त्याच्या खेळासाठी चर्चेत आहेच. पण सध्या तो अजून एका गोष्टीसाठी चर्चेत आला आहे. ती गोष्ट म्हणजे त्याचा मुलगा विल्यम.

बिग बॅश लीग स्पर्धेत सिडनी संघाचा अडलेड संघाविरुद्ध सामना सुरु होता. सामन्यात वॉटसन क्षेत्ररक्षण करत असताना एक चिमुरडा मैदानात आला. हा चिमुरडा म्हणजेच वॉटसनचा मुलगा विल्यम. विल्यम मैदानात आला आणि त्याने थेट आपला बाबा शेन वॉटसन याच्याकडे धाव घेतली. त्याला पाहून वॉटसनदेखील खुश झाला. वॉटसनने त्याला थांबवले. तो स्वतः गुडघ्यावर बसला आणि त्याने विल्यमच्या हातातील टोपीवर आणि टी शर्टवर स्वाक्षरी दिली. तसेच त्यानंतर आपल्या चिमुरड्याला मिठी मारली आणि गोड पापाही दिला.

A moment to remember for Shane Watson and his son Will! #BBL08 pic.twitter.com/7rIdF7iqWv
— KFC Big Bash League (@BBL) January 13, 2019

बिग बॅश लीग च्या अधिकृत ट्विटर हँडलवर हा व्हिडीओ पोस्ट करण्यात आला आहे. दरम्यान, या सामन्यात वॉटसनने ४० चेंडूत ६८ धावांची खेळी केली. त्यात ४ चौकार आणि ५ षटकारांचा समावेश होता. त्याला सामनावीर म्हणून घोषित करण्यात आले.

First published on: 15-01-2019 at 03:45 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bbl shane watson gives his son autograph during the match against adelaide strikers

Video : सामना सुरु असताना वॉटसनचा मुलगा मैदानात आला आणि…

तो मैदानात आला आणि त्याने थेट आपला बाबा शेन वॉटसन याच्याकडे धाव घेतली