जय शाह यांच्यानंतर BCCI सचिव कोण? नियुक्ती सोडा, नामांकन प्रक्रियेवरही चर्चा होणार नाही, नेमकं कारण काय?

बीसीसीआयच्या सर्वोच्च परिषदेच्या बैठकीचा अजेंडा काय?

येत्या एजीएममध्ये जय शाह बीसीसीआयच्या सचिवपदाच्या सध्याच्या भूमिकेतून पायउतार होणार नाहीत. कारण ते १ डिसेंबरपासून आयसीसीच्या अध्यक्षपदाचा कार्यभार स्विकारणार आहेत, परंतु नामांकन प्रक्रियेवरील चर्चा देखील यादीतील आठ बाबींचा भाग नाही. सर्वोच्च परिषदेचा अजेंडा ज्यामध्ये बायजूच्या प्रकरणातील अपडेट्सचा समावेश आहे. पेमेंट सेटलमेंटबाबत बीसीसीआयचा त्यांच्या माजी टायटल स्पॉन्सर बायजूसोबत वाद आहे. एडटेक फर्मने गेल्या वर्षी मार्चमध्ये बीसीसीआयसोबतचा प्रायोजकत्व करार संपवला होता.

बायजूचे प्रकरण सूचीबद्ध –

बायजू रवींद्रन यांनी सह-स्थापित केलेल्या बंगळुरूस्थित कंपनीने सुरुवातीला मार्च २०१९ मध्ये तीन वर्षांसाठी जर्सी प्रायोजकत्व करारावर स्वाक्षरी केली, जी नंतर ५५ लाख डॉलर रकमेसाठी आणखी एका वर्षासाठी वाढविण्यात आली. सप्टेंबर २०२२ पर्यंत पेमेंट करण्यात आले होते, परंतु वाद ऑक्टोबर २०२२ ते मार्च २०२३ पर्यंतच्या थकबाकी भरण्याबाबत आहे.

हेही वाचा – IND vs BAN : ‘ती अडाणी माणसं आहेत, त्यांना क्रिकेटबद्दल काही कळत नाही’, बासित अली असं कोणाला म्हणाले? जाणून घ्या

राष्ट्रीय क्रिकेट अकादमीच्या उद्घाटनाबाबतही चर्चा –

बंगळुरूच्या बाहेरील अत्याधुनिक राष्ट्रीय क्रिकेट अकादमी (एनसीए) च्या उद्घाटनाबाबतही चर्चा केली जाईल. सध्या एम चिन्नास्वामी स्टेडियम संकुलात एनसीए दोन दशकांहून अधिक काळापूर्वी सुरू झाल्यापासून कार्यरत आहे. मुंबईतील बीसीसीआय मुख्यालयाच्या बाहेरील भागाचे नूतनीकरणाचे काम सुरू करणे आणि ईशान्य विकास प्रकल्पाला मंजुरी देणे हेही अजेंड्याचा भाग आहेत.