शास्त्री गुरुजींना BCCI कडून बक्षीस, प्रशिक्षकपदावर मुदतवाढ

भारतीय क्रिकेट संघाचे मुख्य प्रशिक्षक रवी शास्त्री यांच्यासाठी एक चांगली बातमी आहे. BCCI ने प्रशिक्षक रवी शास्त्री यांचा करार ४५ दिवसांनी वाढवला आहे. रवी शास्त्री यांच्यासोबत त्यांच्या संपूर्ण सहकाऱ्यांनाही मुदतवाढ जाहीर करण्यात आली आहे. २०१७ साली रवी शास्त्री यांची मुख्य प्रशिक्षकपदावर नियुक्ती करण्यात आली होती. २०१९ विश्वचषकापर्यंत त्यांचा करार करण्यात आला होता. मात्र भारतीय संघाचं विश्वचषकानंतरचं व्यस्त वेळापत्रक लक्षात घेता शास्त्री आणि त्यांच्या टीमला मुदतवाढ जाहीर करण्यात आली आहे.