World Cup2023: केवळ ६० दिवस शिल्लक! वर्ल्डकप संघ निवडीच्या अंतिम मुदतीआधी BCCIला ‘ही’ गोष्ट करणे अनिवार्य

सध्या प्रश्न निर्माण होतो की, निवड समिती विश्वचषक-विजेता संघ देण्यासाठी सुसज्ज आहे का? समोर अनेक गोष्टी उभ्या असताना, निवड समितीच्या अनुभवाच्या कमतरतेमुळे त्यांचा आवाज सध्याचा प्रशिक्षक राहुल द्रविड, कर्णधार रोहित शर्मा तसेच एनसीएचा प्रमुख व्हीव्हीएस लक्ष्मणमधील सुपरस्टार प्रशिक्षकासमोर कमी होऊ शकतो. बीसीसीआयने निवडकर्त्याच्या भूमिकेसाठी आधीच एक जाहिरात पोस्ट केली आहे. तसेच, निवडक खेळाडू आधीच शॉर्टलिस्ट देखील करून ठेवले आहे. मात्र, आता वेगाने वेळ पुढे सरकत असताना, BCCI आणि क्रिकेट सल्लागार समितीने (CAC) घाई करणे आवश्यक आहे.

विश्वचषक २०२३ संघ घोषित करण्याची अंतिम मुदत

आयसीसीने २९ ऑगस्ट २०२३ ही अंतिम मुदत ठेवली असल्याने टूर्नामेंट सुरू होण्याच्या पाच आठवड्यांपूर्वी संघ पाठवणे आवश्यक आहे. दुखापती आणि इतर प्रकरणांमध्ये बदल करण्याच्या दृष्टीने, बीसीसीआय स्पर्धेच्या एक आठवडा आधी हे आवश्यक बदल करू शकते. परंतु अत्यंत आपत्कालीन परिस्थितीत, एका आठवड्यापेक्षा कमी कालावधीत संघात बदल करणे आवश्यक असल्यास, त्याला आयसीसीच्या इव्हेंट तांत्रिक समितीने मान्यता देणे आवश्यक आहे.

हेही वाचा: Harbhajan Singh: “BCCI ने दिलेल्या निधीचा…”, हरभजनने पंजाब क्रिकेट असोसिएशनला सुनावले खडेबोल

आयसीसीने इनसाइड स्पोर्ट्सला माहिती दिली त्यात ते म्हणतात, “आमच्या टूर्नामेंटमधील प्रारंभिक संघ सादर करण्याची अंतिम मुदत सपोर्ट कालावधी सुरू होण्याच्या ३० दिवस आधी आहे. स्पर्धेच्या एक आठवडा आधी सपोर्ट कालावधी सुरू होतो. परवानगी न घेता सपोर्ट कालावधीपूर्वी बदल केले जाऊ शकतात, परंतु सपोर्ट कालावधी सुरू झाल्यानंतर, इव्हेंट तांत्रिक समितीने बदलांना मान्यता देणे आवश्यक आहे.”

विश्वचषक २०२३ पूर्वी मुख्य निवडकर्ता असणे महत्त्वाचे का आहे?

विश्वचषक डोळ्यासमोर ठेवून, बीसीसीआयने निवडकर्त्यांची फेरबदल केली, टी२० विश्वचषक २०२२च्या पराभवानंतर फक्त चेतन शर्मांनाच कायम ठेवले. परंतु, फेब्रुवारीमध्ये टीव्ही स्टिंग ऑपरेशननंतर चेतन शर्मा राजीनामा देऊन निघून गेल्याने, WTC फायनलसाठी संघ निवडण्याची जबाबदारी शिव सुंदर दास यांच्या नेतृत्वाखालील चार निवडकर्त्यांवर आली होती. तेथे आणखी एक पराभव झाल्याने बीसीसीआय यापुढे कोणताही धोका पत्करू इच्छित नाही.

हेही वाचा: Virat Kohli: “लोअर लेले भाई…”, अंडर-१७ पासून विराटसोबत असणाऱ्या खेळाडूशी असा झाला होता पहिला संवाद

मात्र, मुख्य निवडकर्त्याची जागा घेणार कोण? आता ते दिवस राहिले नाही जेव्हा कृष्णमाचारी श्रीकांत, सुनील गावसकर किंवा दिलीप वेंगसरकर यांच्यासारखे कोणीतरी पदभार स्वीकारतील असा सर्वसाधारण समज होता. म्हणूनच, बीसीसीआय मुख्य निवडकर्त्याच्या जागी एक उत्कृष्ट उमेदवार शोधण्याच्या शोधात आहे आणि त्यासाठी त्यांना घाई करणे आवश्यक आहे. जवळपास १२ वर्षांपूर्वी मायदेशात अखेरचा विजय मिळवल्यानंतर भारताने मोठ्या प्रतिष्ठेच्या ट्रॉफीकडे लक्ष देणे स्वाभाविक आहे. त्यासाठी, मोठी स्पर्धा जिंकण्यासाठी तुम्हाला एका चांगल्या संघाची गरज आहे. एक चांगला संघ पुढे आणण्यासाठी तुम्हाला एक परिपूर्ण निवड समिती हवी आहे आणि त्यातच बीसीसीआय बॅकफूटवर पडली आहे.