बीसीसीआयकडून पाक क्रिकेट बोर्डाची कोंडी, महत्वाच्या स्पर्धेच्या यजमानपदाचे हक्क पाक गमावणार?

पाकिस्तान क्रिकेट बोर्डाचे अध्यक्ष नजीम सेठी यांनी, स्पर्धेच्या यजमानपदाच्या प्रश्नावरुन कोलंबोत विशेष बैठक घेतली जाणार असल्याचं स्पष्ट केलं. यानंतर भारतात होणाऱ्या आशिया चषकात सहभागी व्हायचं की नाही यावरही पाकिस्तान क्रिकेट बोर्ड काही अटी पुढे करणार आहे. या अटींची पुर्तता न झाल्यास पाकिस्तानही भारतात होणाऱ्या आशिया चषक स्पर्धेत सहभागी होणार नाही असं सेठी यांनी म्हटलं.

एप्रिल महिन्यात कोलकाता येथे आयसीसीची विशेष बैठक पार पडणार आहे. मात्र यासाठी आपल्याला भारतात येण्यास काडीचाही रस नसल्याचं सेठी यांनी बोलून दाखवलं. त्यामुळे Asia Emerging Nations Cup स्पर्धेच्या आयोजनावरुन आगामी काळात पाकिस्तान क्रिकेट बोर्ड आणि बीसीसीआय यांच्यात चांगलीच जुंपणार असं दिसतं आहे.