‘एक ही तो दिल हौ सूर्या, कितनी बार जितोगे’! बीसीसीआयने शेअर केला व्हिडिओ

भारतीय क्रिकेट नियामक मंडळाने (बीसीसीआय) आपल्या अधिकृत ट्विटर हँडलवर सूर्यकुमार यादवचा एक व्हिडिओ शेअर केला आहे. या व्हिडिओमध्ये सूर्यकुमार कुंपनाच्यापलीकडे उभ्या असलेल्या चाहत्यांना भेटताना दिसला. त्याने भारतीय आणि वेस्ट इंडीज क्रिकेट चाहत्यांना ऑटोग्राफ दिले. काही चाहत्यांसोबत त्याने फोटोदेखील काढले. त्याच्या या कृतीचे कौतुक होत आहे.

सूर्यकुमार यादव त्याच्या कारकिर्दीतील सर्वोत्तम फॉर्ममध्ये आहे. वेस्ट इंडीजविरुद्धच्या तिसऱ्या टी २० सामन्यात सामनावीराचा पुरस्कार पटकावल्यानंतर सूर्यकुमार यादव म्हणाला की, ‘मी काही विशेष केले नाही. फक्त खेळाचा आनंद घेतला.’

हेही वाचा – Asia Cup 2022: भारत-पाकिस्तान सामन्यापूर्वी वसिम जाफरची सोशल मीडियावर धूम; मीम्सवर चाहते खुश

सूर्यकुमार यादवने केवळ २० टी २० आंतरराष्ट्रीय सामने खेळले आहेत. परंतु, त्याची कामगिरी इतकी उत्कृष्ट आहे की तो पहिल्या क्रमांकावर असलेल्या बाबर आझमच्या अगदी जवळ पोहचला आहे. बाबर आझम फक्त दोन रेटिंग गुणांनी पुढे आहे. सूर्यकुमारला वेस्ट इंडीजविरुद्ध आणखी दोन सामने खेळायचे आहेत. त्यात त्याने चांगली कामगिरी केली तर बाबर आझमची जागा घेऊ शकतो.