Team India Meets Sir Garfield Sobers and BCCI Share Video: भारतीय संघ सध्या वेस्ट इंडिजला दौऱ्यावर आहे. या दौऱ्यात टीम इंडिया तिन्ही फॉरमॅटची मालिका खेळणार आहे. या दौऱ्याची सुरुवात १२ जुलैपासून कसोटी सामन्याने होणार आहे. पहिली कसोटी डॉमिनिका येथे खेळवली जाणार आहे. त्याचवेळी हा दौरा सुरू होण्यापूर्वी भारतीय संघातील खेळाडूंनी वेस्ट इंडिजचे माजी दिग्गज सर गारफिल्ड सोबर्स यांची भेट घेतली. या भेटीचा व्हिडीओ बीसीसीआयने ट्विटवर शेअर केला आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

सर गारफिल्ड सोबर्ससोबत भारतीय खेळाडूंच्या भेटीचा व्हिडिओ बीसीसीआयने सोशल मीडियावर शेअर केला आहे. भारतीय संघ सध्या बार्बाडोसमध्ये आहे. भारतीय कर्णधार रोहित शर्मा पहिल्यांदा सर गारफिल्ड सोबर्सला भेटताना व्हिडीओमध्ये दिसत आहे. यानंतर मुख्य प्रशिक्षक राहुल द्रविड आणि कसोटी संघाचा उपकर्णधार अजिंक्य रहाणे दिसत आहेत.

यानंतर किंग कोहली व्हिडीओमध्ये पुढे दिसला. कोहलीने सर गारफिल्ड सोबर्स यांची भेट घेऊन हस्तांदोलनही केले. कोहली आणि सर गारफिल्ड सोबर्स यांच्यात काही संवादही झाला. यानंतर प्रशिक्षक राहुल द्रविडने शुबमन गिलची सर गारफिल्ड सोबर्सशी ओळख करून दिली. त्यानंतर वेगवान गोलंदाज शार्दुल ठाकूर व्हिडीओमध्ये दिसला. यानंतर, शेवटी, आर अश्विन आणि राहुल द्रविड सर गारफिल्ड सोबर्सशी संवाद साधला. या व्हिडीओला कॅप्शन देताना बीसीसीआयने लिहले, “बार्बाडोसमध्ये आणि महानतेच्या सहवासात! टीम इंडिया या खेळातील सर्वोत्कृष्ट खेळाडूंपैकी एक असलेल्या सर गारफिल्ड सोबर्सला भेटली.”

कोण आहेत सर गारफिल्ड सोबर्स?

सर गारफिल्ड सोबर्स हे वेस्ट इंडिजच्या दिग्गज फलंदाजांपैकी एक आहेत. १९५४ ते १९७४ दरम्यान ते वेस्ट इंडिजकडून आंतरराष्ट्रीय क्रिकेट खेळले. त्यांनी आपल्या आंतरराष्ट्रीय कारकिर्दीत ९३ कसोटी आणि एक वनडे सामना खेळला आहे. कसोटीच्या १६० डावात फलंदाजी करताना सर गारफिल्ड सोबर्स यांनी ५७.७८च्या सरासरीने ८०३२ धावा केल्या. यादरम्यान त्यांच्या बॅटमधून २६ शतके आणि ३० अर्धशतके झळकली आहेत. त्यांची सर्वोच्च धावसंख्या ३६५* आहे.

हेही वाचा – Praveen Kumar Accident: माजी गोलंदाज प्रवीण कुमारच्या कारला भरधाव वेगाने येणाऱ्या कँटरची धडक, मुलासह थोडक्यात बचावला

वेस्ट इंडिजविरुद्धच्या कसोटी मालिकेसाठी भारतीय संघ –

रोहित शर्मा (कर्णधार), शुबमन गिल, ऋतुराज गायकवाड, विराट कोहली, यशस्वी जैस्वाल, अजिंक्य रहाणे (उपकर्णधार), केएस भारत (यष्टीरक्षक), इशान किशन (यष्टीरक्षक), आर अश्विन, रवींद्र जडेजा, शार्दुल ठाकूर, अक्षर पटेल, मोहम्मद सिराज, मुकेश कुमार, जयदेव उनाडकट आणि नवदीप सैनी.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Bcci shared the video of team india meeting sir garfield sobers in barbados vbm