Asia Cup 2023 पूर्वी भारताच्या मधल्या फळीची समस्या संपली! श्रेयस अय्यरची सराव सामन्यात वादळी खेळी

अय्यरने धडाकेबाज खेळी करताना कुटल्या १९९ धावा –

‘टाइम्स ऑफ इंडिया’च्या वृत्तानुसार, बीसीसीआयच्या एका सूत्राने सांगितले की, “अय्यरने राष्ट्रीय क्रिकेट अकादमीच्या सराव सामन्यात १९९ धावा केल्या आहेत. त्यानंतर संपूर्ण ५० षटके क्षेत्ररक्षण केले. सराव सामना ३-४ दिवसांपूर्वी झाला होता. तो गेल्या दोन महिन्यांपासून बंगळुरूमध्ये आहे. येथे राहून तो रिकव्हरी लक्ष केंद्रित करत आहे. त्याच्यासाठी सर्व काही ठीक चालले आहे.” श्रेयसच्या या खेळीनंतर भारतीय निवड समितीच्या चौथ्या क्रमांकाची समस्या निश्चितच काहीशी कमी झाली आहे.

श्रेयस अय्यरने नुकताच इंस्टाग्रामवर एक फोटो शेअर केला आहे. यामध्ये तो ट्रेनर रजनीकांत शिवग्ननम आणि मेडिकल चीफ नितीन पटेल यांच्यासोबत दिसत आहे. त्यानी लिहिले की, “हा एक लांबचा प्रवास आहे. पण या प्रवासात ज्यांनी मला साथ दिली आणि मला मदत केली त्या सर्वांचा मी ऋणी आहे. नितीन भाऊ, रजनी सर आणि राष्ट्रीय क्रिकेट अकादमीचे कर्मचारी यांचे आभार. यासोबतच बाहेरच्यांचेही आभार.”

विशेष म्हणजे मार्च २०२३ पासून अय्यर टीम इंडियातून बाहेर आहे. त्याने भारतासाठी आतापर्यंत १० कसोटी सामने खेळले आहेत. यादरम्यान ६६६ धावा केल्या आहेत. या फॉरमॅटमध्ये त्याने एक शतक आणि पाच अर्धशतके झळकावली आहेत. अय्यरने ४२ एकदिवसीय सामन्यांमध्ये १६३१ धावा केल्या आहेत. या फॉरमॅटमध्ये त्याने दोन शतके आणि १४ अर्धशतके केली आहेत. त्याने ४९ टी-२० आंतरराष्ट्रीय सामन्यांमध्ये १०४३ धावा केल्या आहेत.

हेही वाचा – Asia Cup 2023 पूर्वी मोहम्मद शमीच्या अडचणी वाढल्या, पत्नीसोबतच्या वादावर कोर्टाने दिला ‘हा’ आदेश

केएल राहुल अजूनही पूर्णपणे तंदुरुस्त नाही –

श्रेयस अय्यरने त्याच्या तंदुरुस्तीचा पुरावा निवडकर्त्यांना आणि संघ व्यवस्थापनाला दिला आहे, परंतु केएल राहुलच्या दुखापतीबाबत कोणतेही ताजी अपडेट समोर आलेली नाही. जेव्हा निवडकर्त्यांनी राहुलला आशिया चषकाच्या संघात स्थान दिले, तेव्हा असे सांगण्यात आले की त्याला अजूनही थोडासा दुखापत आहे, परंतु तो त्याच्या रिकव्हरीकडे पूर्ण लक्ष देत आहे.